Það lengist í gulu veðurviðvöruninni
Nokkuð snjóaði í snarpri norðanátt í nótt hér Norðvestanlands en þó ekki meira en svo að varla er hægt að tala um hvíta jörð í byggð. Reiknað var með að gul veðurviðvörun dytti niður upp úr hádegi í dag en Veðurstofan hefur framlengt í þeirri viðvörun sem stendur nú fram á aðfaranótt þriðjudags. Veðrið gengur að mestu niður í dag en áfram verður hvasst á Ströndum fram yfir miðnætti og af þeim sökum hangir viðvörunin inni.
Spáð er norðan- og norðaustanáttum næstu daga en hitatölur haldast rétt ofan við frostmark fram að helgi en á laugardag er reiknað með að hitatölur fari hækkandi.
Vegir á Norðurlandi vestra eru víðast hvar greiðfærir en þó eru hálkublettir á veginum um Vatnsnes, í Langadalnum og í Blönduhlíð en hálka er á Þverárfjalli, Öxnadalsheiði og á Siglufjarðarvegi. Í Hjaltadal í Skagafirði er snjóþekja á vegum en þar er nú éljagangur. Holtavörðuheiðin er greiðfær.
Fleiri fréttir
-
Stefnt að því að opna nýja laugarsvæðið í maí
feykir.is Skagafjörður, Lokað efni 15.04.2025 kl. 15.30Það styttist í að nýtt laugarsvæði Sundlaugarinnar á Sauðárkróki verði tekið í notkun. Á fundi bygginganefndar Skagafjarðar í síðustu viku var farið yfir stöðu framkvæmda við laugina á árinu 2025 og næstu skref. Fram kemur í fundargerð að stefnt er að opnun nýja laugarsvæðisins í maí og að nú sé unnið að yfirferð útboðsgagna fyrir stóru rennibrautirnar og turninn í samvinnu við Fjársýslu ríkisins. Miðað er við að útboð verði auglýst í vor.Meira -
Meirihluti þeirra sem sagt var upp á Blönduósi kominn með aðra vinnu
feykir.is Austur-Húnavatnssýsla, Lokað efni 15.04.2025 kl. 15.02RÚV segir frá því að rúmlega helmingur þeirra 22 sem misstu vinnuna í hópuppsögn sláturhússins á Blönduósi hafi fengið aðra vinnu og ætli að vera um kyrrt í sveitarfélaginu. Pétur Arason sveitarstjóri Húnabyggðar segir það hafa gengið vonum framar að halda í fólkið áfram.Meira -
Dansskóli Menningarfélags Húnaþings vestra – eitt af framúrskarandi verkefnum Uppbyggingarsjóðs
feykir.is Vestur-Húnavatnssýsla, Lokað efni 15.04.2025 kl. 14.20Á dögunum veitti framkvæmdastjóri SSNV, Sveinbjörg R. Pétursdóttir, formanni Menningarfélags Húnaþings vestra, Sigurði Líndal, viðurkenningu fyrir hönd stjórnar SSNV, Dansskóla Menningarfélagsins, sem valinn var eitt af framúrskarandi verkefnum Uppbyggingarsjóðs Norðurlands vestra árið 2024.Meira -
Finnbogi tók fimmganginn í Meistaradeild KS
feykir.is Skagafjörður, Íþróttir, Lokað efni 15.04.2025 kl. 11.56Síðastliðið föstudagskvöld fór fram keppni í fimmgangi í Meistaradeild KS í hestaíþróttum og fór mótið fram í Reiðhöllinni Svaðastaðir. Þetta var þriðja mót ársins en áður hafði verið keppt í fjórgangi og gæðingalist. Það fór svo að Finnbogi Bjarnason og Einir frá Enni fóru með sigur af hólmi en stigahæsta liðið var lið Uppsteypu.Meira -
Ráðstefna um menningarferðaþjónustu og ferðamálastefnu til 2030
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.04.2025 kl. 11.01Rannsóknasetur skapandi greina (RSG), sem Háskólinn á Hólum er stofnaðili að, stendur að ráðstefnunni Menningarauðlind ferðaþjónustunnar. Í frétt á vef Háskólans á Hólum segir að ráðstefnan sé um menningarferðaþjónustu og nýja ferðamálastefnu til 2030. Ráðstefnan erður haldin þann 14. maí í Hofi á Akureyri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.