17. júní í myndum
Hátíðarhöld í tilefni af þjóðhátíðardeginum 17. júní fóru fram í ágætu veðri víða á Norðurlandi vestra, hitastig var um tólf þrettán gráður og bjartviðri. Skipulögð dagskrá fór fram í Austur-Húnavatnssýslu, Húnaþingi vestra og Skagafirði og ríkti fín stemning á öllum vígstöðvum.
Á Blönduósi var dagskráin með hefðbundnu sniði, s.s. farið í skrúðgöngu að Félagsheimilinu, hátíðardagskrá og margt í boði fyrir börn og fullorðna. Tinna Kristín Stefánsdóttir, nýstúdent, var fjallkonan að þessu sinni og hátíðarræðuna flutti Arnar Þór Sævarsson bæjarstjóri. Meðfylgjandi myndir tók Róbert Daníel Jónsson.
Á Hólum í Hjaltadal var það Umf. Hjalti sem hafði veg og vanda af hátíðarhöldum. Skrúðganga var farin frá Bændaskólanum að grunnskólanum með prúðbúna fánabera og hljóðfæraleikara í broddi fylkingar. Krýndir voru sigurvegarar Byrðuhlaupsins og veittar viðurkenningar fyrir þátttöku og einnig var farið í leiki. Ljósmyndir tók Guðríður Magnúsdóttir.
Í Húnaþingi vestra fóru hátíðarhöld fram við Félagsheimilið á Hvammstanga og jafnframt var þjóðbúningamessa í Staðarbakkakirkju þar sem báðir prestar héraðsins, sr. Magnús Magnússon og sr. Guðni Þór Ólafsson, þjónuðu í messunni.Kirkjukórar Hvammstanga og Miðfjarðarsókna sungu undir stjórn Pálínu F. Skúladóttur. Predikun flutti Guðný Hrund Karlsdóttir, sveitarstjóri. Að messu lokinni var boðið upp á kaffi suður undir kirkjuvegg. Myndir frá messunni tók Anna Scheving.
Á Sauðárkróki fór meginhluti dagskrárinnar fram á íþróttavellinum. Skrúðganga fór frá Skagfirðingabúð eftir að yngri göngumenn höfðu skellt á sig andlitsmálningu og byrgt sig upp af blöðrum með hjálp skátanna. Sigríður Svavarsdóttir, forseti sveitarstjórnar Svf. Skagafjarðar, flutti hátíðarræðu og fjallkonan flutti ljóð,aðþessu sinni var það Sigurveig Anna Gunnarsdóttir. Í framhaldinu hófust tónleikar og skátatívolí og teymt var undir börnum á hestbaki. Ljósmyndir tók Laufey Kristín Skúladóttir.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.