Völsungar mörðu Stólana í baráttuleik
Tindastólsmenn brunuðu á Húsavík í gær og spiluðu gegn liði Völsungs. Liðin voru á svipuðum slóðum í 2. deildinni fyrir leikinn en það voru heimamenn sem höfðu betur, sigruðu Stólana 2-1, eftir að Brentton Muhammad markvörður Tindastóls fékk að kíkja á rauða spjaldið um miðjan síðari hálfleik.
Kenny Hogg náði forystunni fyrir Stólana á 41. mínútu með laglegu marki eftir aukaspyrnu sem Konni sendi inn á teig heimamanna. Sæþór Olgeirsson jafnaði metin strax í kjölfarið, eða á sjálfri markamínútunni, en hann fylgdi þá eftir skoti sem Brentton hafði náð að verja. Staðan var því jöfn í hálfleik, 1-1.
Hart var barist í síðari hálfleik og á 64. mínútu gerðist það sem ekki mátti gerast. Þá fór Brentton Muhammad markvörður Tindastóls út að vítateigslínu til að slá boltann og lenti þar í samstuði við leikmann Völsungs og lágu báðir eftir. Brentton fékk hinsvegar að sjá rauða spjaldið hjá dómara leiksins þegar hann komst á fætur, Tindastólsmönnum til mikillar furðu en þeir höfðu frekar reiknað með því að dæmt yrði á sóknarmanninn. Þar sem Brentton er eini markvörður Tindastóls um þessar mundir þá var gripið til þess ráðs að setja varnarjaxlinn Ísak Sigurjónsson í markið og Fannar Kolbeins kom inn í vörnina. Húsvíkingar náðu upp pressu og skoraði Gunnar Jósteinsson sigurmark leiksins á 70. mínútu með skalla af markteig sem Ísak réð ekki við.
Brottrekstur Brenttons var vendipunktur leiksins og vandamál fyrir Stólana að missa hann út því Atli Dagur Stefánsson, varamarkvörður Stólanna, er meiddur og einhverjar vikur væntanlega í að hann verði klár í slaginn. Brentton fær að minnsta kosti eins leiks bann og aðspurður segir Bergmann Guðmundsson, formaður knattspyrnudeildar Tindastóls, að Stólarnir séu að skoða aðra valkosti í stöðunni með tilliti til greinar 10.2 í reglugerð um félagaskipti sem veitir KSÍ heimild til að leyfa félagaskipti markvarða að ákveðnum skilyrðum uppfylltum.
Ljóst er að hlutirnir verða að gerast hratt því næsti leikur er á laugardag hér á Króknum þegar lið Hugins frá Seyðisfirði kemur í heimsókn.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.