Viðar tilbúinn í troðslu í kvöld þegar Tindastóll og Stjarnan mætast í 18. umferð Subway deildarinnar
Það verður risaleikur í Síkinu á Króknum í kvöld þegar Tindastóll og Stjarnan mætast í 18. umferð Subway deildar karla. Heimamenn allir eru klárir í leikinn, bæði liðið og stuðningsmenn líka sem boðað hafa hitting á Sauðá fyrir leik. Það er ljóst að baráttan er mikil um sæti í úrslitakeppninni en átta efstu liðin fá keppnisréttinn sem öll lið sækjast eftir. Tindastóll er nú í 7. sæti, tveimur stigum ofar en ÍR, Breiðablik og KR sem öll eru með 14 stig og öll að berjast fyrir sæti í lokakeppninni.
Feykir náði í Viðar Ágústsson í morgun sem sagðist lítast mjög vel á leikinn enda langt síðan heimaleikur var í Síkinu. Segir hann mikla spennu í liðinu að taka þennan heimaleik.
Nú er nýlokið landsleikjahléi hjá körfuboltanum en í landsliðinu áttu Stólar tvo menn ásamt því að Baldur Þór er í þjálfarateymi liðsins. Viðar segir að það hafi ekki mikið verið um 5 á 5 æfingar en önnur atriði æfð vel. Þá hefur Covid sett strik í reikninginn en Sigurður Þorsteins og Zoran Vrkic eru að koma til baka eftir smit.
„En við erum klárir í kvöld. Við höfum tapað þrisvar á móti þeim á tímabilinu og ætlum ekki að láta það verða fjórum sinnum, það væri agalegt,“ segir Viðar sem vill sjá fullan sal í kvöld. „Mér sýnist niðurstaðan í þessu vera sú að bæði leikmenn og stuðningsmenn þurfi að vera jákvæðir og hafa trú á verkefninu.“ Viðar segir það hjálpa gríðarlega mikið að hafa fjölda fólks og mikla stemningu í húsinu og hvetur hann alla til að mæta. „Maður finnur aukaorku frá salnum, það er alveg 100%“
Geturðu lofað troðslu í kvöld?
„Já, er það ekki bara. Jú, ég held það bara, það er orðið langt síðan síðast. Ég er tilbúinn í það!“ segir hann spenntur fyrir kvöldinu.
Búið er að boða hitting á Sauðá fyrir leik en þar er boðið upp á Happy hour frá klukkan 16-18 og sem flestir hvattir til að mæta. Þá verður hamborgarasalan á sínum stað í anddyri íþróttahússins.
Miðasala í sjoppunni og á Stubb.
Fjölmennum í Síkið!
Áfram Tindastóll!
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.