Tindastólsmenn mæta Haukum í undanúrslitum
Í gærkvöldi varð ljóst hvaða lið mætast í undanúrslitum Dominos-deildarinnar í körfubolta. Fyrir leik Stjörnunnar og Njarðvíkur voru KR, Tindastóll og Haukar búin að tryggja sig áfram og þegar æsilegum leik var lokið í Garðabænum höfðu Njarðvíkingar bæst í þann hóp. Njarðvíkingar mæta því KR-ingum en Haukar fá Tindastól og verður fyrsti leikur liðanna í Hafnarfirði nk. sunnudagskvöld.
Úrslitakeppnin hefur verið bráðskemmtileg hingað til og óvænt úrslit litið dagsins ljós. Tindastólsmenn voru komnir á mikla siglingu fyrir lok deildarkeppninnar, þó svo það dygði aðeins fyrir sjötta sætinu í deildinni, og fóru frekar létt með að slá út lið Keflavíkur sem hafði endað í þriðja sæti.
Þó svo að lið Njarðvíkur sé mikið stemningslið voru ekki margir sem reiknuðu með að þeim tækist að slá út sterkt lið Stjörnunnar en Njarðvík endaði í 7. sæti deildarinnar en Stjarnan í 2. sæti. Enn færri reiknuðu með að allir fimm leikir í þeirri rimmu mundu vinnast á útivelli! Ekki kom það á óvart að KR-ingar fóru létt með að sópa Grindvíkingum úr keppni.
Andstæðingar Tindastóls í undanúrslitum, Haukar úr Hafnarfirði, enduðu í fjórða sæti í deildarkeppninni og mættu liði Þórs frá Þorlákshöfn. Leikir liðanna voru spennandi og óhætt að fullyrða að Hafnfirðingar hafi farið Krísuvíkurleiðina áfram því þeir urðu fyrir áföllum í öllum leikjum liðanna. Kaninn þeirra þótti óíþróttamannslegur og stuttur kveikjuþráður kom honum í klandur; brottrekstur og bann. Kári Jónsson meiddist í fyrsta leik en kom sterkur til baka í þriðja leik og átti síðan stjörnutakta í fjórða leik liðanna sem Haukar kláruðu í Þorlákshöfn og einvígið þar með 3-1.
Fyrsti leikurinn í undanúrslitum verður í Hafnarfirði á sunnudaginn kl. 19:15 þegar Haukar og Tindastóll mætast á Ásvöllum.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.