Tindastólsmenn heimsækja Breiðholtið í fyrsta undanúrslitaleiknum þann 4. apríl
Það varð loks ljóst í gærkvöldi hverjir yrðu andstæðingar Tindastóls í undanúrslitum Dominos-deildarinnar þegar deildarmeistarar Hauka mörðu spræka Keflvíkinga í oddaleik í Hafnarfirði. Þar sem þau fjögur lið sem enduðu í efstu fjórum sætunum í deildinni eru öll komin áfram þá mæta Haukar liðinu í fjórða sæti, KR, og ÍR, sem vermdi annað sætið, fær lið Tindastóls í heimsókn.
Leikdagar hafa þegar verið ákveðnir og verður fyrsti leikur í rimmu ÍR og Tindastóls í Breiðholtinu miðvikudaginn 4. apríl en fyrsti heimaleikur Tindastóls í einvíginu er sunnudaginn 8. apríl. Þriðji leikurinn er síðan 11. apríl fyrir sunnan og fjórði leikur liðanna verður í Síkinu föstudaginn 13. apríl (!) og ef til þarf verður fimmti leikurinn 16. apríl.
Kani ÍR-liðsins, Ryan Taylor, verður í banni í fyrstu tveimur leikjunum gegn Tindastóli en hann var dæmdur í þriggja leikja bann eftir fólskulegt brot á Hlyni Bærings á dögunum. Það þarf hinsvegar enginn að velkjast í vafa um að lið ÍR mætir dýrvitlaust til leiks gegn Stólunum en baráttan hefur verið þeirra aðalsmerki í vetur. ÍR-ingar eru það lið, ásamt liði Njarðvíkur, sem voru Stólunum hvað erfiðastir í vetur og unnu báða leikina gegn okkar strákum í Dominos-deildinni. Stólarnir lögðu ÍR þó á leiðinni að Maltbikartitlinum þannig að þetta ættu að verða baráttuleikir þar sem ekkert verður gefið.
Þegar liðin mætast þann 4. apríl verða Tindastólsmenn búnir að hvíla í 12 daga, heldur lengur en lið ÍR, og vonandi ekkert ryð í mannskapnum. Sennilega hafa menn notað tímann vel til að hvílast, jafna sig og æfa fyrir komandi átök en fyrst Stólarnir voru komnir í æfingu með kústinn, eftir að hafa sópað Grindvíkingum úr Síkinu á dögunum, þá voru þeir fengnir til að sópa sand og möl af bílastæðum bankastofnananna við Skagfirðingabrautina í gær auk þess að þrífa glugga. Að því verki loknu var haldið á æfingu.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.