Þrjár kempur til liðs við Kormák/Hvöt
Nú er rétt um mánuður í að Húnvetningar hefji leik í 3. deildinni í knattspyrnu en fyrsta umferðin hefst 6. maí en þá á lið Kormáks/Hvatar útileik gegn Vængjum Júpiters á Fjölnisvelli. Húnvetningar hafa verið að styrkja hópinn sinn og á aðdáendasíðu Kormáks má sjá að nú í byrjun apríl hafa þrír leikmenn bæst í hópinn; þeir Anton Ingi Tryggvason, Benjamín Jóhannes Vilbergsson og Ante Marčić.
Á síðunni segir: „Anton Ingi Tryggvason er ungur heimamaður sem ætlar að taka slaginn með Kormáki Hvöt í sumar. Anton fengið félagaskipti frá Dalvík, en hann hefur einnig leikið með Samherjum síðan hann fór frá Hvöt árið 2020.“ Króatann Ante er sagður iðinn og kvikur miðjumaður sem spilaði með Reyni Sandgerði tímabilið 2020 en hann er miðjumaður og kemur frá liði NK Kamen.
Um vistaskipti Benna Blönduósings segir umsjónarmaður síðunnar m.a.: „Heimamaðurinn Benjamín Jóhannes Gunnlaugarson hefur fengið félagaskipti í Kormák Hvöt. Heimkoma Benna er Aðdáendasíðunni mikið fagnaðarefni, enda einn sterkasti núspilandi Húnvetningurinn í boltanum. Síðasti leikur hans undir fánum Hvatar kom árið 2010.“ Benni er ákaflega lipur og skemmtilegur leikmaður sem hefur glatt stuðningsmenn Tindastóls síðan árið 2011, fyrst með sameiginlegu liði Tindastóls og Hvatar, en einnig hefur hann haft viðkomu í liði Drangeyjar og Hamars.
Benni hefur spilað ríflega 250 leiki með Stólunum en erfið meiðsli héldu honum á hliðarlínunni allt síðasta sumar. Fyrsta leik sinn í meistaraflokki spilaði hann með Hvöt gegn Gróttu í 2. deild sumarið 2008, þá 16 ára gamall, kom inn á á 77. mínútu skv. leikskýrslu á vef KSÍ. Í heildina hefur Benni skilað 292 leikjum og gert í þeim 39 mörk.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.