Þriðji leikur Tindastóls og KR er að bresta á
Það er allt á suðupunkti í Skagafirði í dag en spennan er mikil fyrir þriðju viðureign Tindastóls og KR sem hefst kl. 19:15 í kvöld í Síkinu. Staðan í einvíginu er eins og allir vita 1-1 en báðir leikirnir hafa hingað til unnist á útivelli. Talsverð eftirvænting er eftir fréttum af Hesteri og Hannesi en eftir því sem Feykir kemst næst er enn ekki vitað hvort þeir verði með í leiknum í kvöld en báðir stríða við erfið ökklameiðsli.
Hester meiddist fyrst í síðasta leiknum gegn ÍR í undanúrslitum Dominos-deildarinnar og meiddist svo enn meira þegar hann spilaði fyrsta leikinn gegn KR. Hann hvíldi því í DHL-höllinni í sigurleiknum á sunnudaginn. Hannes rétt kíkti á parketið í Frostaskjólinu áður en hann snéri sig á ökkla. En það eru ekki bara Stólarnir sem hafa orðið fyrir blóðtöku því KR missti í gær Helga Magg aftur til Bandaríkjanna eftir þriggja vikna körfuboltatúr til Íslands.
Það er því gamla góða dagsformið, eljan og dugnaðurinn sem gildir í kvöld. Á Facebook-síðu körfuknattleiksdeildar Tindastóls eru áhorfendur minntir á að hvetja liðin sín á jákvæðan hátt og að það eru dómararnir sem dæma – ekki áhorfendur. Forsala miða hófst nú kl. 16:30 og áhorfendur eru hvattir til að mæta tímanlega og gæða sér á borgurunum góðu. Opnað verður í stúkuna kl. 17:45.
Áfram Tindastóll!
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.