Stólastúlkur lögðu lið Völsungs
Næstsíðasti leikurinn í Kjarnafæðismótinu, sem hófst í desember, var leikinn í gær en þá mættust lið Tindastóls og Völsungs í Boganum. Mótið átti að klárast í byrjun febrúar en veður og Covid settu strik í reikninginn og síðan tók Lengjubikarinn yfir hjá liðunum. Stólastúlkur spiluðu sinn síðasta leik á mótinu í gær og báru sigurorð af liði Húsvíkinga en lokatölur voru 3-1.
Una Móeiður Hlynsdóttir kom liði Völsungs yfir á 9. mínútu en Anna Margrét Hörpudóttir jafnaði metin á 16. mínútu með þrumuskoti af löngu færi en þetta var víst ekki fyrsta mark Önnu fyrir meistaraflokk Tindastóls. Hugrún Palla og Guðnýjar kom Stólastúlkum síðan yfir á 41. mínútu eftir frábæra sókn. Hugrún átti síðan stóran hlut í þriðja markinu sem kom eftir hornspyrnu á 64. mínútu en markið var skráð á Ísabellu Júlíu Óskarsdóttur, markvörð Völsungs.
Í lið Tindastóls vantaði varnarjaxlana Kristrúnu Maríu og Sólveigu Birtu en Arna Kristinsdóttir, sem spilaði í Pepsi Max með Þór/KA sl. sumar klæddist Tindastóls-búningnum í leiknum í gær en leikmenn þurfa ekki að vera skráðir í félagið sem þeir spila með í Kjarnafæðismótinu. Ekki er enn ljóst hver niðurstaðan er í mótinu því einn leikur er eftir en þar mætast sameinuð Austfjarðaliðin og Völsungur.
Hrafnhildur og Krista semja
Á vef Tindastóls í gær var sagt frá því að Hrafnildur Björnsdóttir og Krista Sól Nielsen hefðu skrifað undir tveggja ára samning við knattspyrnudeild Tindastóls.
Hrafnhildur er árgangur 1997 og á að baki 122 leiki fyrir Tindastól en í þeim hefur hún skorað 16 mörk. Hrafnhildur hefur fína tækni og gott auga fyrir spili og skilar alla jafna sínu hlutverki djúp á miðjunni. Hún sleit krossband síðsumars 2020 og er rétt komin út á völlinn að nýju en hún missti algörlega af Pepsi Max sumrinu með liði Tindastóls.
Krista Sól er árgangur 2002 en hefur spilað 41 leik með liði Tindastóls og skorað í þeim sjö mörk. Þrátt fyrir þetta þá hefur Krista verið óheppin með meiðsli, sleit krossbönd sumarið 2019 en náði sex leikjum það sumar og komst loks aftur á ferðina haustið 2020. Krista er grjóthörð og afar efnileg, kraftmikil, sókndjörf og áræðin. Hún hefur átt í meiðslum nú á undirbúningstímabilinu, ristarbrotnaði og þurfti í aðgerð en verður vonandi klár í slaginn í byrjun maí samkvæmt heimildum Feykis.
Fótbolti á sunnudaginn
Lið Kormáks/Hvatar annars vegar og Tindastóls hins vegar eiga leiki í Lengjubikarnum á morgun, sunnudaginn 27. mars. Húnvetningar mæti lið KFG í Samsung-höllinni í Garðabænum kl. 14 en lið Tindastóls fær Berserki/Mídas í heimsókn á Sauðárkróksvöll kl. 16:00. Veðurstofan gerir ráð fyrir hita um frostmark og norðan 5 m/sek og því kannski rétt að áhorfendur klæði sig vel.
Fleiri fréttir
-
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.