Stólastúlkur hársbreidd frá sigri í Hafnarfirði
Lið FH og Tindastóls mættust í Kaplakrika í Hafnarfirði í gærkvöldi í toppleik Lengjudeildarinnar. Bæði lið hafa verið sterk varnarlega og höfðu fyrir leikinn aðeins fengið á sig fjögur mörk og það má því segja að ekki hafi komið sérstaklega á óvart að lítið var skorað í leiknum. Lið Tindastóls komst yfir snemma í leiknum en heimastúlkur náðu að jafna um tíu mínútum fyrir leikslok og liðin deildu því stigunum. Lokatölur 1-1.
Það var Hugrún Páls sem kom Stólastúlkum yfir á 23. mínútu. Eftir að hafa fengið sendingu frá Murr náði hún að stinga sér á milli varnarmanna FH og inn á vítateig þar sem hún afgreiddi boltann snyrtilega í mark heimastúlkna. Skömmu síðar var Hugrún nálægt því að bæta við marki en Fanney í marki FH varði skalla hennar frábærlega. Bæði lið fengu sénsa fram að hléi en ekki tókst að koma boltanum í mörkin.
FH-liðið sótti stíft í síðari hálfleik og gestunum gekk illa að halda í boltann. Vörnin, með Bryndísi Rut í ham, var þó ekkert á því að gefa eitt eða neitt og þegar FH-ingar komust í færi var Amber fyrir aftan og hirti nánast allt sem á markið kom. Jöfnunarmark FH kom á 84. mínútu og var slysalegt. Þá átti Telma Hjaltalín Þrastardóttir slakt skot en boltinn hrökk af varnarmanni Stólanna og Amber komin af stað í hina áttina. Bæði lið hefðu getað stolið öllum stigunum á lokakaflanum en allt kom fyrir ekki.
Mjög sáttur með baráttuna og liðsheildina
„Fyrri hálfleikurinn var nokkuð jafn og i rauninni i góðu jafnvægi. Við skoruðum frábært mark og fengum ekkert færi á okkur,“ sagði Donni þjálfari þegar Feykir leitaði eftir viðbrögðum hjá honum við úrslitunum. „Okkar leikur riðlaðist aðeins i seinni hálfleik og við náðum illa að halda i boltann. En á sama tíma gerði FH vel og komu sér í góðar stöður og nokkur færi. FH voru góðar og áttu klárlega skilið stigið en ég er að sama skapi mjög sáttur með barráttuna og liðsheildina.“ Hann sagði stöðu liðsins í deildinni vera á réttri leið og stefnan sé að bæta í og halda áfram. Donni reiknarmeð að styrkja lið Tindastóls nú þegar leikmannaglugginn hefur opnað og bæta við einum til þremur leikmönnum.
Staðan á toppi Lengjudeildarinnar er gríðarlega jöfn og útlit fyrir æsispennandi síðari umferð. Sem stendur eru lið FH og Tindastóls á toppnum með 20 stig en FH á leik til góða gegn Fylki og þar má reikna með sigri Hafnfirðinga. Lið Víkings er í þriðja sæti með 19 stig og síðan koma Guðni Þór og HK-stelpurnar í því fjórða með 18 stig en liðið á leik inni, gegn spræku liði Fjarðabyggðar/Hattar/Leiknis fyrir austan. Austfirðingarnir eru með 15 stig og mundu með sigri planta sér rækilega í toppbaráttu Lengjudeildarinnar og því mikið undir þegar liðin mætast á laugardaginn.
Hér má sjá viðtal við Amber Michel sem var maður leiksins samkvæmt Fótbolti.net >
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.