Stólastúlkur áfram í 16 liða úrslitin í Mjólkurbikarnum
Tindastóll og ÍR mættust á Króknum í dag í 2. umferð Mjólkurbikars kvenna. Lið ÍR spilar í 2. deildinni en þar er keppni ekki enn hafin og það mátti því fyrirfram reikna með sigri Stólastúlkna þó að sjálfsögðu enginn leikur sé unnin fyrirfram. Það kom hins vegar á daginn að heimaliðið var töluvert sterkara en gekk illa að skapa sér dauðafæri. Mörkin létu þó sjá sig í síðari hálfleik og á endanum fór það svo að lið Tindastóls vann sanngjarnan 2-0 sigur og er því komið í 16 liða úrslit Mjólkurbikarsins.
Það vantaði Murr í lið Tindastóls en hún hefur að sjálfsögðu verið fókuspunkturinn í sóknarleik liðsins síðustu árin. Það tók smá tíma fyrir lið Tindastóls að finna aðrar leiðir til að sækja í en það small á endanum. Fátt markvert gerðist á upphafskaflanum en síðan má segja að Stólastúlkur hafi nánast tjaldað á vallarhelminigi ÍR og uppskar vel á annan tug hornspyrna í fyrri hálfleik. Það gekk illa að nýta þær en þó skall hurð nærri hælum í nokkur skipti. Lið ÍR náði einni góðri skyndisókn en Amber varði í horn en hún hefur sennilega aldrei átt jafn náðugan dag í markinu – virtist nánast leiðast á köflum.
Markalaust var í hálfleik og það varð fljótt ljóst í síðari hálfleik að Donni vildi að lið Tindastóls hreyfði boltann meira innan liðsins. Dugnaðurinn í Aldísi Maríu skilaði fyrsta markinu á 48. mínútu en hún náði að elta boltann inn á teig ÍR, komast framhjá markverðinum og setja boltann í markið úr mjög þröngu færi. Vel gert og Aldís María virðist í hörkuformi þessa dagana; sterk, fljót og áræðin. Lið ÍR komst lítt áleiðis gegn vörn Tindastóls eftir markið og á 78. mínútu gerði Hugrún út um leikinn eftir frábæra sókn. Eftir að boltinn hafði gengið heillengi innan liðsins opnaði Aldís vörn ÍR með laglegum snúngin, síðan kom góð sending inn á markteig þar sem Hugrún mætti og afgreiddi boltann af öryggi í markið.
Það eru jákvæð merki á leik Tindastóls nú í upphafi tímabils og gaman að sjá stelpurnar vera tilbúnar að halda betur í boltann. Frammi voru Aldís og Hugrún meira en handfylli fyrir vörn ÍR, sívinnandi og tilbúnar að taka leikmenn á með hraða og áræðni. Hannah Cade spilaði vel á miðjunni og aðrir leikmenn skiluðu sínu dagsverki af öryggi. Enn hélt vörnin hreinu og það er ágætis vani.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.