Stólarnir bættu stöðu sína fyrir lokaumferðina með risa 0-1 sigri
Það er bullandi líf á báðum vígstöðvum í 2. deild karla í knattspyrnu. Þrjú lið berjast um toppsætin tvö sem tryggja sæti í Inkasso-deildinni næsta sumar og þrjú lið berjast um að forða sér frá því að enda í ellefta sæti 2. deildar og falla ásamt Seyðfirðingum í 3. deildina. Í gær fóru Tindastólsmenn austur og léku við lið Hugins frá Seyðisfirði og gerðu það sem þurfti. Lokatölur 0-1 og lið Tindastóls því í 10. sæti fyrir lokaumferðina.
Stólarnir mættu til leiks með nýtt þjálfarateymi, Sigga Donna og Jón Stefán, á Fellavöll í Fellabæ þar sem Huginn spilar heimaleiki sína, en völlurinn á Seyðisfirði hefur ekki verið í leikhæfu ástandi í sumar. Staðan í hálfleik var 0-0 en á 52. mínútu gerði Arnar Ólafsson enn eitt mikilvægt mark fyrir lið sitt en hann gerði einmitt eina markið í leiknum gegn Fjarðabyggð um síðustu helgi. Þetta reyndist eina mark leiksins og færði lið Tindastóls úr fallsæti.
Á sama tíma vann Höttur Egilsstöðum lið Völsungs á Húsavík, 2-3, þar sem sigurmarkið kom úr vítaspyrnu í uppbótartíma. Höttur og Tindastóll eru með jafnmörg stig, 21, en Höttur er með mun betri markatölu eftir ófarir Stólanna gegn Leikni í byrjun september. Leiknismenn hafa sennilega talið sig hafa styrkt stöðu sína í deildinni með þeim sigri en nú eru Fáskrúðsfirðingar skyndilega komnir í fallsæti, með 19 stig, þegar aðeins ein umferð er eftir en lið Leiknis tapaði í gær 4-1 fyrir Aftureldingu sem er í efsta sæti deildarinnar fyrir lokaátökin.
Í lokaumferðinni sem fram fer næstkomandi laugardag er því nánast allt undir í öllum leikjunum sem fram fara. Afturelding, Grótta og Vestri berjast um efstu sætin tvö og þeir Mosfellsbæingar verða að ná í hagstæð úrslit gegn Hetti á Egilsstöðum. Vinni þeir Hött gæti lið Hattar fallið ef Stólarnir og Leiknir ná hagstæðum úrslitum. Leiknir fær lið Víðis í Garði í heimsókn og þeim dugir ekkert annað en sigur á meðan Víðismenn sigla lygnan sjó í deildinni.
Vinni Leiknir sinn leik, en Höttur tapar, þá þurfa Tindastólsmenn í það minnsta stig gegn Völsungum, sem eiga ekki lengur séns á að fara upp um deild. Þær eru ansi margar breyturnar sem upp geta komið í síðustu umferðinni og það er ljóst að eina niðurstaðan sem örugglega tryggir veru Tindastóls í 2. deild er sigur í síðasta leik gegn Húsvíkingum.
Áfram Tindastóll!
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.