Sterkt lið Fylkis náði í stig gegn Stólastúlkum
Lið Tindastóls og Fylkis mættust í Lengjudeild kvenna á Sauðárkróksvelli í gærkvöldi og úr varð spennuleikur eins og jafnan hjá Stólastúlkum í sumar. Liðið kom örlítið laskað til leiks en Aldís María og Hrafnhildur gátu ekki hafið leik. Á meðan að lið heimastúlkna er í toppbaráttunni hafa Árbæingar verið í tómu ströggli í sumar en hafa nú styrkt lið sitt og verið að næla í stig í síðustu umferðum, m.a. jafntefli gegn HK. Það fór svo í gær að liðin skiptust á jafnan hlut, lokatölur 1-1.
Stólastúlkum gekk illa að byggja upp spil fram á við í fyrri hálfleik og lið Fylkis hleypti þeim varla inn á sinn vallarhelming. Hinum megin þurfti Amber nokkrum sinnum að grípa inn í en fátt var þó um fín færi. Það var því rækilega gegn gangi leiksins þegar Tindastóll náði forystunni á 43. mínútu en þá skoraði Murr af harðfylgi, nýtti styrk sinn og hraða til að komast inn fyrir vörn Fylkis og renndi boltanum framhjá Tinnu Brá í marki Fylkis. Staðan 1-0 í hálfleik.
Heimastúlkur hóf leik af krafti í upphafi síðari hálfleiks og ógnuðu marki gestanna. Inn fór boltinn ekki og síðan varð ljóst að Fylkiskonur höfðu fundið leið að marki Tindastóls og sýndu líka meiri grimmd. Þær voru nálægt því að jafna úr aukaspyrnu en í næstu sókn komust þær upp hægri kant og sendu góðan bolta inn á teiginn þar sem Hulda Hrund Arnarsdóttir komst í boltann og skóflaði honum í markið framhjá Amber. Markið kom á 59. mínútu og gestirnir höfðu yfirhöndina þangað til Donni hætti á að skipta Aldísi Maríu inn á en þá færðist loks meiri ógn í sóknarleik Tindastóls og þær fóru að teygja betur á vörn gestanna. Sigurmark lá í loftinu og það virtist hafa komið um það bil sem venjulegur leiktími rann út. Þá kom Murr boltanum í netið við mikinn fögnuð en dómarinn, sem vann engar vinsældakosningar í gærkvöldi, virtist dæma brot á markvörð Fylkis og flautaði markið af. Áfram hélt lið Tindastóls að sækja en vörn gestanna hélt og jafntefli því staðreynd.
Jafntefli sem var augljóslega ekki það sem lið Tindastóls þurfti og vildi í toppbaráttu Lengjudeildarinnar og leikmenn svekktir í leikslok. Stólastúlkur áttu kannski ekki meira skilið en eitt stig miðað við gang leiksins en liðið hefur sótt sigra eftir erfiðari leiki en þennan enda hjartað, seiglan og vörnin verið aðalsmerki liðsins í sumar. Verið er að vinna að því að styrkja liðið fyrir síðustu umferðirnar, enda hópurinn lítill, og í gær var tilkynnt um komu ástralskrar stúlku og hver veit nema fleiri fiskar bætist í tjörnina hans Donna áður en glugginn lokast.
Eftir leiki gærkvöldsins er lið FH efst með 26 stig, HK skaust upp fyrir lið Tindastóls eftir sigur á Fjölni og er með 25 stig en Stólastúlkur eru með 24 stig. Víkingar og lið Austfjarða eru ekki langt undan og því getur allt gerst í æsispennandi Lengjudeild. Nú á þriðjudaginn er síðan einn stærsti leikur sumarsins fyrir lið Tindastóls en þá mæta stelpurnar liði HK í Kórnum í Kópavogi þar sem Guðni Þór heldur um taumana. Nú þurfa stelpurnar að setja undir sig hausinn og ná í úrslit. Áfram Tindastóll!
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.