Stelpurnar féllu um deild
Stólastelpur fengu Sindra frá Höfn í Hornafirði í heimsókn sl. laugardag í 1. deildinni í fótbolta og dugði þeim ekkert annað en sigur og hagstæð úrslit annarra leikja til að halda sér uppi. Ekki voru happadísir með Stólunum sem töpuðu leiknum 2-4.
Þrátt fyrir tapið áttu Stólarnir nokkur góð færi, stangarskot og hálffæri í leiknum sem hæglega hefðu getað endað sem mörk ef lukkan hefði verið með þeim. Úrslitin segja ekki endilega til um getu liðanna þar sem Stólarnir voru ekki síðri en þær í Sindra. Það sem gerði út um leikinn var varnarleikur heimamanna sem stóðst ekki skyndiáhlaup gestanna sem uppskáru eftir því. Það má líka velta því fyrir sér hvort þörf sé á miðlungsgóðum útlendingum sem halda okkar stelpum á bekknum sem ekki eru síðri, jafnvel betri.
Jenny Bitzer kom gestunum yfir á 22. mínútu en Madison Cannon jafnaði leikinn fimm mínútum síðar. Rétt áður en dómarinn flautaði til hálfleiks skoraði Jenny Bitzer sitt annað mark og kom gestunum yfir á ný.
Hrafnhildur Björnsdóttir sá til þess að Stólarnir jöfnuðu leikinn á 57. mínútu en Phoenetia Browne og Chestley Strother sáu svo um að jarða drauma Stólanna um veru sína í 1. deild að ári með sitthvoru markinu.
Þegar tveir leikir eru eftir í deildinni hjá Tindastól situr liðið á botninum með 8 stig eftir tvo sigra og tvö jafntefli og gæti markmið liðsins nú verið að koma sér upp fyrir Víking Ólafsvík sem er með 11 stig og treysta á hagstæð úrslit.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.