Sögulegur leikur framundan á Sauðárkróksvelli
„Leikurinn leggst mjög vel í okkur,“ sagði Guðni Þór Einarsson, annar þjálfara kvennaliðs Tindastóls, í samtali við Feyki í morgun. „Við eigum von á erfiðum leik við spútniklið deildarinnar frá því í fyrra. Lið Þróttar er vel skipulagt og hefur góða leikmenn í sínum röðum. Þessum leik höfum við beðið með eftirvæntingu í nokkra mánuði og við erum tilbúin og stemmningin er virkilega góð í hópnum, einbeiting í bland við spennu.
Þetta er að sjálfsögðu í fyrsta sinn sem meistaraflokkslið Tindastóls leikur í efstu deild Íslandsmótsins í knattspyrnu og því sögulegur. Sem fyrr segir er mótherjinn lið Þróttar Reykjavík sem spilar fínan fótbolta og því mikilvægt að Stólastúlkur verði í stuði frá fyrstu mínútu en leikurinn hefst kl. 18:00.
Eru allir leikmenn liðsins klárir í slaginn í kvöld? „Hrafnhildur og Eyvör eru að glíma við langvarandi meiðsli en fyrir utan þær þá eru allir leikmenn heilir.“
„Við finnum vel fyrir stuðningnum frá ykkur kæru stuðningsmenn og það er marg sannað að stuðningurinn skilar sér vel inn á völlinn. Leikurinn í dag er stóra stundin okkar allra þegar við spilum fyrsta leik Tindastóls í efstu deild. Við höfum mikla trú á að við getum fest okkur í sessi í deildinni og ég hvet ykkur til að vera dugleg mæta á völlinn í sumar og taka þátt í ævintýrinu með okkur. Ykkar stuðningur skiptir öllu máli. Áfram Tindastóll!“ segir Guðni að lokum.
Stuðningsmenn eru minntir á almennar sóttvarnarreglur á vellinum í kvöld. Svo er nauðsynlegt að klæða sig vel því spáð er hita rétt yfir frostmarki og norðangolu.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.