Sjö mörk skoruð í dag og álagið full mikið fyrir vallarkynninn
Lið Tindastóls tók á móti köppum í Knattspyrnufélagi Ásvöllum úr Hafnarfirði í 4. deildinni í dag í glampandi sól á Sauðárkróksvelli. Yfirburðir heimamanna voru talsverðir en gestunum til hróss má segja að þeir hafi spriklað eins og nýveiddir laxar í síðari hálfleik og tekist að trufla Tindastólsmenn við að draga inn stigin þrjú sem í boði voru. Það dugði þó skammt því Stólarnir unnu 5-2 sigur og sennilega má segja að þeir hafi tryggt sér eitt af tveimur efstu sætunum í B-riðli í leiðinni.
Hafnfirðingar virkuðu þungir í fyrri hálfleik og Stólarnir spiluðu þá lengstum sundur og saman. Jóhann Daði bætti í markasafnið sitt á 15. mínútu þegar hann komst inn í slaka sendingu KÁ-manna aftur á markvörðinn og skoraði af öryggi. Annað mark lá í loftinu en upp úr þurru fengu gestirnir víti eftir kómíska tilburði Antons Helga í marki Stólanna; eitt gott kiks og í kjölfarið fylgdi skutla sem dómari leiksins ákvað að flauta víti á – hann átti semsagt að hafa brotið á KÁ-manni sem náði boltanum. Kappinn varði vítið síðan svo auðveldlega að það var eins og hann hefði gert þetta til að halda á sér hita. Bessi hélt upp á afmælið sitt með því að skora annað mark Stólanna eftir góða sókn á 28. mínútu og Konni bætti við þriðja markinu fimm mínútum síðar með skalla eftir hornspyrnu. Þá var kynni vallarins eiginlega nóg boðið en hann þurfti ítrekað að rölta frá miðri stúku, þar sem hann sat, og að austurenda stúkunnar, þar sem míkrófónninn var geymdur, til að tilkynna um markaskorarann. Gafst hann á endanum upp á stúkusætinu í síðari hálfleik og hélt sig í námunda við græjurnar.
Staðan í hálfleik var 3-0 og eitthvað sat teið í heimamönnum því þeir komu marflatir til leiks í síðari hálfleik. Gestirnir minnkuðu muninn áður en mínúta var liðin og voru grimmari næstu mínúturnar á meðan Stólunum gekk illa að hrista af sér slenið. Reyndar komust KÁ-menn upp með að spila gróft og ágætur dómari leiksins lét sér fátt um finnast – hefði mátt halda að hann væri frá Siglufirði [djók] – og firrtist helst við ef leikmennn baunuðu á hann. Hólmar Daði dró úr taugaveiklun Tindastólsmanna með marki beint úr hornspyrnu á 65. mínútu en Þór Örn Jónsson svaraði fyrir gestina á 75. mínútu eftir fallega hornspyrnuútfærslu. Fékk boltann beint úr horninu út að D-boganum og plasseraði efst í fjærhornið hjá Antoni. Benni Gröndal átti síðasta orðið þegar hann fékk góða stungu inn fyrir vörn KÁ og kláraði með stæl. 5-2 og ævintýri Hafnfirðinga úti í mýri.
Lið heimamann var án þeirra Örth-tvíbura í dag og þá voru þeir Domi og Basi fjarri góðu gamni. Það var því þannig að á leikskýrslu Tindastóls voru engir erlendir leikmenn sem er harla óvanalegt hjá landsbyggðarliði á vorum tímum. Eftir því sem Feykir kemst næst þá hefur Basi yfirgefið herbúðir Stólanna en markahrókurinn spænski hefur verið meiddur síðustu vikur. Hann náði níu leikjum með liði Tindastóls og skoraði í þeim 18 mörk sem verður að teljast viðunandi árangur.
Tindastóll á eftir að spila þrjá leik í B-riðli 4. deildar og hefur nánast tryggt sæti sitt í úrslitakeppninnni sem hefst 25. ágúst.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.