Seiglusigur Stólastúlkna í slagveðursslag í Grindavík
Stólastúlkur sóttu sigur á Suðurnesið í kvöld þegar þeir sóttu lið Grindvíkinga heim. Lið Grindvíkinga var í sjöunda sæti Lengjudeildarinnar fyrir leikinn en Tindastóll í þriðja. Staðan á toppi deildarinnar er hrikalega jöfn og spennandi og ljóst að liðin mega lítið misstíga sig. Það gerðu Stólastúlkur að sjálfsögðu ekki og gerðu tvö mörk á lokakafla leiksins og útslitin því 0-2.
Aðstæður til tuðrusparks voru ekki upp á það besta í Grindavík í kvöld, rok og rigning og í raun aðdáunarvert hversu vel liði Tindastóls tókst að spila í síðari hálfleik undan vindinum. Leikurinn var fjörugur og liðin sóttu á víxl – sóknir gestanna þó alltaf hættulegri.
Ekkert var skorað í fyrri hálfleik en það var Bryndís Rut, fyrirliði Tindastóls, sem braut ísínn á 74. mínútu. Murr vann þá hornspyrnu upp við hægra hornið og Hannah Cade tók hættulega spyrnu en Lauren í marki heimastúlkna blakaði boltanum út í teig. Þar var Krista fyrst á boltann og náði að skallann inn á hættusvæðið við markteiginn og eftir smá klafs féll boltinn fallega fyrir Bryndísi sem dúndtaði í markið. Uppleggið var svipað í seinna markinu sem kom á 83. mínútu en þá var það Hugrún sem vann hornspyrnu á sama stað. Aftur var það Hannah sem tók spyrnuna en Grindvíkingar hreinsuðu, Hannah fékk boltann á ný til móts við vítateigshornið og sendi gómsætan bolta inn í teiginn þar sem varnarmaður Grindvíkinga misreiknaði boltann. Áður en Lauren í markinu næði að gómann var Murr mætt í eyðuna og potaði boltanum framhjá markverðinum og setti boltann síðan í markið. Vel gert.
Grindvíkingar reyndu að svara fyrir sig en fengu engin færi hjá vörn Tindastóls sem stóð vaktina með glæsibrag. Ef eitthvað var þá voru það Stólastúlkur sem voru líklegri til að bæta við marki.
Lið Tindastóls kom sér upp að hlið FH sem er í efsta sætinu en Hafnfirðingar eiga leik inni. Liðin er bæði með 23 stig. HK á sömuleiðis leik inni en Kópavögsstúlkurnar eru með 21 stig.
Margar laskaðar og hálf meiddar
„Liðsheild, vinnusemin og gæði i föstum leikatriðum skópu þennan sigur,“ sagði Donni þjálfari þegar Feykir spurði hann út í leikinn. „Spilamennskan var allt î lagi við erfiðar aðstæður. Skánaði mikið í seinni hálfleik.“
Hvert er uppleggið þegar spilað er við svona aðstæður? „Uppleggið var það sama og vanalega. Reyna að spila góðan bolta og síðan að vinna barráttuna inni á vellinum. Stelpurnar gerðu sitt besta og ég er mjög ánægður með það.“
Nú er hálfsmánaðar frí í Lengjudeildinni. Er það kærkomið? „Virkilega kærkomið frí þvî það eru margar laskaðar og hálf meiddar. Svo við notum fríið til að hlaða batteríin,“ sagði Donni að lokum.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.