ÓB-mótið tókst með ágætum þrátt fyrir kuldabola og bleytu
Nú um liðna helgi fór ÓB-mótið í knattspyrnu fram á Króknum. Þátttakendur voru 10 ára gamlar stúlkur sem komu víðs vegar að af landinu. Mótið heppnaðist með miklum ágætum, þátttakendur voru tæplega 700 og komu frá 23 félögum sem tefldu fram alls 110 liðum. Veðrið var reyndar ekki upp á marga fiska, örfá hitastig, norðanátt og rigning mestan partinn og sennilega hafa margir sárvorkennt þátttakendum að þurfa að standa í tuðrisparki við þessar aðstæður.
Raunar var fallegt veður þegar fólk streymdi að sl. föstudagskvöld og Skagafjörður skartaði sínu fegursta. Það voru þó flestir meðvitaðir um að veðurspáin var ekki góð og höfðu því undirbúið sig fyrir það. Fólk vaknaði við grámann á laugardagsmorgni en mótið hófst kl. 9. DJ Króksi spilaði fyrir dansi á kvöldvöku á laugardagskvöldi. Mótsstjóri var Sæþór Már Hinriksson og hann tjáði Feyki að ÓB-mót Tindastóls hafi tekist með eindæmum vel þrátt fyrir leiðindaveður. „Stelpurnar skemmtu sér vel og þá er markmiðinu náð.“
Setti veðrið strik í reikninginn, þurfti að breyta dagskrá eða voru vandræði á tjaldsvæði? „Veðrið setti merkilega lítið strik í reikninginn. Dagskráin riðlaðist eiginlega ekki neitt fyrir utan að á laugardaginn stóð til að borða hádegisverð úti samkvæmt dagskrá en sökum veðurs var hann snæddur inni í íþróttahúsi. Einnig var íþróttahúsið opið öllum alla helgina svo aðstandendur og keppendur gátu líka hlýjað sér á milli leikja.“
Urðu einhver forföll vegna veðurs? „Forföllin urðu ekki nein, fólk er vant því að mæta á fótboltamót á Íslandi yfir sumarið, þannig að flestir eru í góðri þjálfun við að láta alls konar veður yfir sig ganga.“
Hverjir voru sigurvegarar mótsins? „Sigurvegarar mótsins voru stelpurnar í 6. flokki, þjálfarar þeirra og aðstandendur.“
Var Guðni forseti bara óvænt á svæðinu? „Dætur hans voru að keppa á ÓB-mótinu svo hann var fótboltapabbi hér á Króknum um helgina,“ sagði Sæþór að endingu.
Ekki var annað að sjá þegar ljósmyndari Feykis skaust á völlinn upp úr kl. 13 á sunnudaginn en að tuðrusparkarar og fylgdarfólk þeirra skemmtu sér hið besta þrátt fyrir bleytuna og kuldann.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.