„Nú eru engar afsakanir,“ segir Helgi Rafn um leikinn í kvöld
Í kvöld fara fram tveir leikir í undanúrslitum Domino's deildar karla. Annars vegar tekur ÍR á móti okkar mönnum í Tindastóli í Hertz hellinum í Seljaskóla og hins vegar Haukar á móti -KR í Schenkerhöllinni á Ásvöllum í Hafnarfirði. Ekki vantar spennuna í keppninni þar sem liðin hafa unnið sinn leikinn hvert en þrjá sigra þarf til að komast í úrslitin.
Liðið var að lenda í Staðarskála er Feykir náði tali af fyrirliðanum, Helga Rafni Viggóssyni. Aðspurður um hvort þeir ætluðu í mjólkina var hann ekki alveg viss en frægt var á dögunum er Axel Kára var myndaður með mjólkurfernu og samloku eftir leik við Keflavík.
Helga leist alla vega vel á leikinn í kvöld á móti ÍR. „Þetta verður líf og fjör og nóg af fólki og við verum klárir. Allir heilir og klárir í verkefnið. Þetta verður bara geggjað fjör.“
Hann segir, aðspurður um síðasta leik, vonbrigði með að hafa ekki spilað betri vörn á heimavelli. „Við eigum ekki að fá á okkur 106 stig í úrslitakeppni. En svo fór sem fór og við tökumst á við þetta verkefni. Nú er leikur í dag og við hugsum um hann.“
Ryan Taylor, sem dæmdur var í þriggja leikja bann af aga og úrskurðanefnd fyrir brot sitt á Hlyni Bæringssyni í síðasta leik Stjörnunnar og ÍR í 8 liða úrslitum Dominos deildarinnar, er kominn með leikheimild á ný og má búast við því að hann láti að sér kveða í kvöld. En Helgi er ekki banginn frekar en fyrri daginn. „Þetta er bara körfubolti þannig að við bara tökum því þegar hann kemur. Nú eru engar afsakanir, þeir full mannaðir og við full mannaðir og bara líf og fjör,“ segir Helgi léttur í bragði og hvetur fólk til að fjölmenna á leikinn í kvöld.
„Ég vil sjá alla Skagfirðinga og aðra stuðningsmenn á stór Reykjavíkursvæðinu fylla Hellinn í kvöld og arga „Áfram Tindastóll“.
Rétt er að benda stuðningsfólki á að mæta snemma, þar sem búast má við miklum fjölda, ætli það sér að tryggja sér sæti í stúkunni.
Leikirnir hefjast báðir kl. 19:15, ÍR-Tindastóll í beinni á Stöð 2 Sport og Haukar-KR í beinni á netinu á YouTube-rás HaukaTV.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.