Maddie gekk af göflunum fyrir vestan
Það var spilað í 1. deild kvenna í dag og Stólastúlkur fóru vestur á Ísafjörð þar sem Vestrastúlkur biðu. Það var allt í járnum í fyrri hálfleik en í síðari hálfleik tóku Stólastúlkur leikinn yfir og unnu að lokum öruggan sigur, 68-89, og komust aftur á sigurbraut. Að öðrum ólöstuðum er rétt að nefna að Maddie Sutton átti stjörnuleik en það gerist nú sennilega ekki oft að einn og sami leikmaðurinn skori yfir þrjátíu stig og taki yfir þrjátíu fráköst í sama leiknum. Sem var það sem Maddie gerði í dag og lauk leik með 58 framlagspunkta! Já, hvaða rugl er þetta!?!
Liðin skiptust á um að hafa forystuna í fyrsta leikhluta en Allyson Caggio átti síðustu íleggju fyrsta leikhluta og lið Vestra yfir, 19-17. Heimastúlkur hófu annan leikhluta af krafti og náðu mest átta stiga forystu, 30-22, þegar leikhlutinn var hálfnaður. Tindastóll tók leikhlé og Ksenja gerði næstu sjö stig leiksins og minnkaði muninn í eitt stig. Stólastúlkur skriðu síðan yfir fyrir hlé þar sem Maddie gerði átta næstu stigin og lið Tindastóls tveimur stigum yfir í hálfleik. Staðan 35-37.
Fjögur fyrstu stig þriðja leikhluta voru Vestra en Rebekka Hólm skellti í þrist og lið Tindastóls leit ekki til baka eftir það. Átta stig í röð frá Stólastúkum breyttu stöðunni úr 41-42 í 41-50. Að loknum þriðja leikhluta var staðan 48-61 og eftir að Anna Karen gerði fyrstu fimm stig fjórða leikhluta var ljóst í hvað stefndi.
Mikilvægur sigur því staðreynd og gott að næla í stig á ný eftir erfiða leiki í síðustu umferðum. Lið Vestra hafði unnið einn leik í vetur en lið Tindastóls tvo og því gott að finna aftur sigurbragðið. Fimm lið eru nú jöfn í 5.-9. sæti í deildinni en lið ÍR er efst í deildinni, hafa unnið alla sjö leiki sína, lið Ármanns eru með 12 stig og Þórsstúlkur eru með 10 stig.
Í liði Tindastóls átti Maddie sem fyrr segir stjörnuleik; endaði með 35 stig og 31 frákast. Ksenja Hribljan skilaði sömuleiðis flottum tölum en hún gerði 19 stig, tók átta fráköst og átti tólf stoðsendingar! Fanney María Stefánsdóttir var sömuleiðis öflug með ellefu stig og sjö fráköst á rúmum 20 mínútum og ljóst að einhver einhvers staðar er að springa úr monti. Þá endaði Anna Karen með átta stig.
Næstkomandi laugardag kemur lið Ármanns í heimsókn í Síkið en það lið hefur verið að spila vel og er sem fyrr segir í öðru sæti deildarinnar. Vonandi skella Stólastúlkur í glansleik og halda áfram á sigurbraut – sem er auðvitað skemmtilegasta brautin. Áfram Tindastóll!
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.