Lukkan ekki í liði með Húnvetningum í Lengjubikarnum
Lið Kormáks/Hvatar var hársbreidd frá því að næla í fyrstu stigin í B deild karla, riðli C, í Lengjubikarnum í gær þegar Húnvetningar mættu liði ÍH í Skessunni í Hafnarfirði. Þeir voru 3-4 yfir þegar venjulegur leiktími var liðinn en fengu á sig tvö mörk í uppbótartíma. Lið Tindastóls spilaði síðan í Boganum á Akureyri í dag við lið Samherja og vann nauman sigur.
Það var nú fátt sem benti til markaveislu í byrjun leiks í Skessunni því aðeins var skorað eitt mark í fyrri hálfleik og það gerðu heimamenn í ÍH á 41. mínútu. Þorgrímur Goði jafnaði leikinn á 50. mínútu en á 59. mínútu náði ÍH aftur forystunni. Gestirnir settu Alfreð Má Hjaltalín inn á á 63. mínútu og örfáum mínútum síðar var hann búinn að skora tvö mörk. Hann jafnaði leikinn á 67. mínútu, Akil De Freitas kom gestunum yfir tveimur mínútum síðar og Alfreð bætti við fjórða marki Kormáks/Hvatar á 70. mínútu – semsagt þrjú mörk gestanna á fjórum mínútum og staðan 2-4!
Adam var ekki lengi í Paradís því heimamenn minnkuðu muninn í 3-4 á 84. mínútu, jöfnuðu leikinn á 92. mínútu og gerðu síðan sigurmarkið á 94. mínútu. Svekkjandi fyrir lið Húnvetninga en þeir eru þó í það minnsta búnir að reima á sig skotskóna og farnir að skora. Þeir eiga eftir að spila einn leik í Lengjubikarnum, gegn KFG í Garðabænum um næstu helgi.
Stólarnir mörðu Samherja
Það er orðið ansi langt síðan meistaraflokkur karla hjá Tindastóli skeiðaði út á knattspyrnuvöllinn en það hafðist loks í dag þegar spilað var við lið Samherja í Boganum á Akureyri. Aðeins eitt mark leit dagsins ljós og það gerði spænski varnarjaxlinn Domi, fékk boltann inn á vítateig eftir laglegt þríhyrningaspil með Adda og negldi boltanum í markið frá vinstra markteigshorni.
Donni þjálfari Tindastóls tjáði Feyki að Stólarnir hafi sýnt virkilega góðan leik á móti vel skipulögðu Samherja liði. „Okkar strákar spiluðu boltanum vel á milli sín og sköpuðu mörg færi að marki Samherja. Við létum boltann ganga vel á milli manna og færðum hann vel á milli kanta. Það var aðeins síðasta sendingin eða skotið sem vantaði uppá. Þar til á 77 mínútu þegar við skoruðum frábært mark eftir flott spil á vinstri kantinum. Domi þrumaði þá boltanum inn.
Varstu ánægður með frammistöðu liðsins? „Ég er virkilega ánægður með heildarframmistöðu liðsins í þessum leik. Menn voru aðeins þungir á sér eftir erfiða æfingaviku og fjögurra tíma snjómokstur í gær fyrir stelpurnar okkar. En strákarnir héldu boltanum mjög vel og sköpuðu mörg færi, héldu hreinu og skoruðu frábært mark. Þessi leikur gefur góð fyrirheit fyrir það sem koma skal,“ sagði Donni að lokum.
Jóhann Daði, Ísak, Emil og Bragi voru þeir varamenn sem komu inn á.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.