Lið Kormáks/Hvatar vann öruggan sigur á ókátum Káramönnum
Lið Kormáks/Hvatar tók á móti Skagamönnum í liði Kára á Sauðárkróksvelli í dag í 3. deild karla í knattspyrnu. Liðin voru bæði í efri hluta deildarinnar fyrir leik en það varð fljótt ljóst að Skagamennirnir voru eitthvað pirraðir og voru farnir að segja dómara og aðstoðarmönnum hans til strax í byrjun. Það endaði með því að þeir bæði töpuðu leiknum og hausnum en lið Hínvetninga sýndi og sannaði að það á góða möguleika á að koma á óvart í 3. deildinni í sumar. Lokatölur 3-0 og úrslitin í heildina sanngjörn.
Jafnræði var með liðunum framan af leik en þegar á leið fyrri hálfleikinn þá var Goran Potkozarac farinn á toga í flesta spotta í leik Kormáks/Hvatar og í raun mjög gaman að sjá lipra takta frá honum og Ante Maric á miðjunni. Húnvetningar eru með sex erlenda leikmenn í sínum röðum og flestir hafa þeir spilað áður hér á landi. Goran til dæmis með Ægi 2019 og 2020 og Ante með Reyni Sandgerði 2020. Sem fyrr segir þá fór dómgæslan strax í taugar gestanna sem minntu helst á 2. flokks lið úr höfuðborginni sem mættu jafnan hér áður norður í land fullviss um það að dómararnir væru heimamenn, hlutdrægir og eitthvað þaðan af verra. Það sem var þó skondið í dag var að dómgæslan var hreint ágæt og rétt á lokakafla leiksins sem dómarinn missti loks þolinmæðina – og engin furða.
Fyrsta mark leiksins kom skömmu fyrir hlé en þá náði markahrókurinn Hilmar Kára að koma sínum mönnum yfir í kjölfarið á hornspyrnu. Lið Kára hóf síðari hálfleikinn ágætlega en fengu fá færi þrátt fyrir nokkra pressu. Það var spilað fast og eitthvað um pústra og ekki minnkaði ákafinn og lætin þegar á leið. Nikulás Ísar Bjarnason fékk að líta sitt annað gula spjald á 68. mínútu og Skagamennirnir orðnir einum færri. Ingibergur Kort Sigurðsson tvöfaldaði forystu Kormáks/Hvatar með snyrtilegri afgreiðslu fimm mínútum síðar eftir laglega sókn. Enn fækkaði í liði Kára á 79. mínútu þegar Hafþór Pétursson leit sitt annað gula spjald. Í raun hefði ekki verið hægt að segja mikið við því þó 2-3 til viðbótar úr gestaliðinu hefðu fengið að fara í sturtu snemma eftir kjafthátt og rifrildi við dómara og aðstoðardómara. Öll þessi læti voru að sjálfsögðu vatn á myllu Kormáks/Hvatar þar sem menn virtust hoknir af reynslu miðað við Kárana.
Þriðja mark heimamanna kom á 86. mínútu þegar Hilmar Kára fékk boltann í góðu færi við vítateigslínuna og setti hann efst í hornið, óverjandi fyrir Dino Hodzic í marki Kára.
Að loknum þremur umferðum er lið Kormáks/Hvatar í öðru sæti 3. deildar. Það er auðvitað of snemmt að segja til um gengi liðsins í sumar en miðað við frammistöðuna í dag þurfa þeir engu að kvíða. Miðjan er vel spilandi og vinnusöm og vörnin átti ekki í teljandi vandræðum í dag. Og ekki er annað að sjá en að það sé fullt af mörkum í liðinu.
Þetta verður spennandi sumar fyrir Húnvetninga og nú er bara að búa til góða stemningu í kringum leiki liðsins. Það má draga nokkur stig í hús með góðri stemningu. Áfram Kormákur/Hvöt!
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.