Leiknum gegn KR frestað vegna Covid-smita í liði Tindastóls
Hin þreytandi kórónaveira hefur aftur skotið upp kollinum í leikmannahópi Subway-deildarliðs Tindastóls og í tilkynningu á Facebook-síðu Körfuknattleiksdeildar Tindastóls er sagt frá því að tveir leikmenn liðsins hafi greinst með Covid. Leikmennirnir tveir eru að sjálfsögðu komnir í einangrun og afgangurinn af liðinu í sóttkví. Þetta hefur að sjálfsögðu í för með sér að leiknum gegn KR, sem fram átti að fara í Síkinu annað kvöld, hefur verið frestað.
Kórónuveiran hefur sett talsvert strik í keppnishald í Subway-deildinni. Þremur leikjum Tindastóls var frestað í kringum áramótin en liðið náði að spila tvo leiki í síðustu viku og er á pari við flest lið deildarinnar hvað spilaða leiki varðar. Tindastóll er í sjötta sæti með 14 stig eftir 12 leiki en lið Vesturbæinga hefur aðeins spilað tíu leiki og er í áttunda sæti með 10 stig. Það er því næsta víst að boðið hefði verið upp á hörkuleik í Síkinu annað kvöld.
Samkomutakmarkanir hefðu reyndar haft það í för með sér að leikurinn hefði farið fram fyrir tómum Síkispöllum þar sem áhorfendur mega ekki mæta á leiki miðað við gildandi reglur. Kannski verður búið að breyta reglunum þegar KR-ingar mega loks heimsækja Síkið.
Næsti leikur strákanna á síðan að fara fram 27. janúar þegar þeir heimsækja Blikana í Kópavoginn ef aðstæður leyfa. Stelpurnar hafa ekki spilað leik í 1. deildinni frá því 18. desember en þær eiga loks að spila gegn liði ÍR í kvöld í Breiðholtinu eftir mánaðarpásu. Þær eiga síðan heimaleik gegn KR á laugardaginn kl. 18:00 og verður það fyrsti leikur ársins í Síkinu.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.