Keflvíkingar hirtu þrjú stig á Króknum
Stólastelpur þurftu að kyngja ósanngjörnu tapi í kvöld eftir að Keflvíkingar unnu þær 1-0 í 1. deildinni í fótbolta á Sauðárkróksvelli í kvöld. Stólastúlkur virkuðu betri í fyrri hálfleik þrátt fyrir að dauðafærin vantaði. Þær voru þó heppnar að fá ekki á sig mark undir lok fyrri hálfleiks þegar Keflavíkurstúlkur gerðu harða hríð að marki en Dida varði dauðafæri þeirra.
Í seinni hálfleik gáfu heimastúlkur gestunum færi á að komast betur inn í leikinn og þyngdu þær sunnlensku sóknir sínar sem skilaði loks árangri á 73. mínútu er Katla María Þórðardóttir laumaði boltanum framhjá annars góðum markmanni Stólanna og í hægra hornið. 1-0 fyrir Keflavík.
Eftir þennan skell hresstust Stólarnir til muna og gerðu harða hríð að marki Keflavíkur og áttu gott skot á markið sem hefði mátt enda í netinu en markmaður Keflavíkur stóð sína plikt og varði glæsilega. Ekki breyttist staðan fram að leikslokum og því hirtu gestirnir öll stigin þrjú.
Stólastúlkur voru ágætar í leiknum, börðust vel og náðu ágætu spili sín á milli en sjá má að nokkuð vantar upp á samhæfinguna enda stutt síðan allar komu saman. Erlendu leikmennirnir Eva Banton og Madison Cannon voru að koma inn í hópinn og stóðu vel fyrir sínu, Ólína Sif kom til landsins í fyrradag eftir námsdvöl í Bandaríkjunum og Hrafnhildur Björnsdóttir er nýkomin heim eftir ævintýraferð til Balí en þær tvær eru lykilmenn í liðinu. En það má búast við því að sigrarnir detti inn með hækkandi sól og hita.
Aðstæður á Sauðárkróksvelli hafa ekki verið svona góðar í manna minnum í maí, iðagrænn völlur og afbragðs veður til knattspyrnuiðkunar og ekki vantaði fólkið á pallana.
Sjá stöðu HÉR
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.