Kári Marísson fékk samfélagsverðlaun Molduxa
Jólamót Molduxa í körfubolta stendur nú yfir og þrír leikir í fullum gangi hverju sinni. Átján lið taka þátt og reyna með sér þangað til úrslit liggja fyrir í dagslok. Við mótssetningu var Kára Maríssyni veitt Samfélagsviðurkenningu Molduxa.
Ungmennafélagið Molduxar veitti nú í þriðja sinn Samfélagsviðurkenningu Molduxa þeim einstaklingi sem hefur á einhvern hátt bætt samfélagið í Skagafirði með dugnaði og framlagi sem aðrir fá notið. Fyrir tveimur árum varð Skúli Jónsson þess heiðurs aðnjótandi að verða sá fyrsti sem þessa viðurkenningu hlaut og á síðasta Jólamóti var það Rannveig Helgadóttir.
Í ár komst samfélagsnefnd Molduxa að þeirri niðurstöðu að Kári Marísson sé verðugur fulltrúi þessarar viðurkenningar. Kári er fæddur í Reykjavík 20. nóv. 1951, í sambúð með Hrafnhildi Sonju Kristjánsdóttur og eiga þau saman tvö börn. Með fyrri konu sinni, Katrínu Axelsdóttur sem lést um aldur fram, á Kári þrjú börn auk dóttur Katrínar sem Kári gekk í föðurstað.
Kári byrjaði að leika körfuknattleik 16 ára gamall árið 1967, fyrir hálfri öld. Tveimur árum síðar eða 1969 lék hann sinn fyrsta landsleik.
Fyrsta liðið sem Kári lék fyrir var Körfuknattleiksfélag Reykjavíkur, KFR, sem sameinaðist seinna Val, þaðan lá leiðin til Njarðvíkur, þar sem hann lék í þrjú ár, og síðan til Tindastóls 1978. Lék hann einnig og þjálfaði samhliða hjá Smáranum í Varmahlíð í nokkur ár.
Landsleikir Kára eru alls 35.
Það var mikil gæfa fyrir körfuboltalífið í Skagafirði að Kári skyldi hafa flutt í fjörðinn fagra vorið 1978 og byrjað að þjálfa körfubolta þá um haustið og hefur hann þjálfað samfleytt síðan.
Hann hefur komið að þjálfun í öllum karla og kvennaflokkum í gegn um tíðina hjá Tindastóli, ýmist sem aðalþjálfari eða aðstoðarþjálfari meistaraflokka og/eða hjá yngri flokkum.
Til gamans má nefna að Kári lék fótbolta öll uppvaxtarár sín, meðal annars með KR í 5.- og 6. flokki og svo Knattspyrnufélaginu Fram í 4. flokki. Þá varð hann þrefaldur Borgarfjarðarmeistari með ungmennafélaginu Þröstum en endaði ferilinn á Akranesi og lék eitt ár með meistaraflokki ÍA árið 1973 og eftir það sneri hann sér alfarið að körfunni.
Kári bað mig um að koma á framfæri kveðju til allra í þessu frábæra samfélagi sem við búum í hér í Skagafirði.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.