Huginn hafði betur í bragðdaufum leik á Króknum
Tindastólsmenn fengu Huginn frá Seyðisfirði í heimsókn í 2. deild karla í knattspyrnu í dag. Þrátt fyrir ágætt samspil beggja liða úti á vellinum var leikurinn bragðdaufur og fátt um færi. Það voru gestirnir sem gerðu eina mark leiksins í fyrri hálfleik og Stólunum tókst ekki að jafna. Lokatölur 0-1.
Í lið Tindastóls í dag vantaði Benna á vinstri kantinn og Brentton í markið. Inn í liðið komu í þeirra stað Arnar Ólafsson og í markið steig hinn síungi hálf-fimmtugi Gísli Eyland Sveinsson. Jafnræði var með liðunum framan af leik en síðan náðu gestirnir yfirhöndinni og áttu nokkrar snarpar sóknir. Lið Hugins er vel spilandi, en það féll óverðskuldað niður úr 1. deild síðastliðið haust. Sex erlendir leikmenn eru í liðinu sem var vel skipulagt og gaf fá færi á sér. Þeir komust yfir á 33. mínútu þegar Blazo Lalevic skoraði með hörkuskoti af löngu færi. Þar voru Stólarnir ekki nógu snöggir að loka á skyttuna og Gísli átti ekki möguleika í markinu.
Í síðari hálfleik komu Stólarnir skarpari til leiks og héldu boltanum betur. Gestirnir lágu þétt til baka og sem fyrr gekk Tindastólsmönnum illa að komast í færi – flest allar sóknir stoppuðu við vítateig gestanna. Besta færið átti þó Kenny Hogg sem komst inn fyrir vörn Hugins en Bergsteinn Magnússon markvörður sá við honum. Síðasta stundarfjórðunginn opnaðist leikurinn talsvert þegar Stólarnir reyndu að setja meira púður í sóknina en allt kom fyrir ekki. Seyðfirðingar pökkuðu kampakátir stigunum þremur ofan í tösku og fóru með heim, enda komnir í annað sæti deildarinnar.
Stólarnir voru ekki nógu frískir í dag og náðu ekki að ógna sem skildi. Kenny og Raggi áttu þó báðir ágæta spretti og þá áttu Konni og Stephen ágætan leik inni á miðjunni. Það var þó augljóst að liðið saknaði þess að hafa ekki Benna til að halda boltanum ofar á vellinum og skapa usla í vörn gestanna.
Lið Tindastóls er sem stendur í níunda sæti 2. deildar, en tólf lið eru í deildinni. Næstu tveir leikir eru gríðarlega mikilvægir; heimaleikir gegn Sindra og Fjarðabyggð sem eru í neðstu tveimur sætum deildarinnar. Hornfirðingar koma í heimsókn um næstu helgi og Fjarðabyggð helgina þar á eftir.
Áfram Tindastóll!
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.