Hólmar Daði með einstaka þrennu í sigri á Afriku
Á sama tíma og landslið Íslands spretti úr spori í Manchester á Englandi í Evrópukeppni kvenna þá spilaði lið Tindastóls við Afríku í 4. deildinni hér heima. Reiknað var með auðveldum sigri Stólanna enda gestirnir gjafmildir í meira lagi þegar kemur að varnarleik og höfðu fengið á sig tíu mörk að meðaltali í þeim átta leikjum sem liðið hafði spilað. Meðaltalið breyttist ekkert í dag því Stólarnir gerðu tíu mörk en gestirnir náðu inn einu marki.
Aðeins þrír leikir voru spilaðir á Íslandsmótunum í meistaraflokki í dag og það verður að teljast stórundarlegt að setja tvo þeirra á dagskrá á sama tíma og landslið Íslands spilar leik á stórmóti. Enda voru það ekki margir stuðningsmenn sem lögðu leið sína á völlinn í dag þrátt fyrir fádæma blíðu. Þetta má segja að þetta teljist hálfgerð óvirðing við leikmenn.
Það tók Stólana aðeins sex mínútur að ná forystunni og það var Addi sem gerði það eftir ágæta sókn. Sigurður Pétur gerði annað markið á 19. mínútu og þar með fyrsta mark sitt með meistaraflokki í 60 leikjum. Benni Gröndal gerði þriðja markið á 35. mínútu og Jón Gísli, bróðir Sigga, gerði fjórða markið á síðustu mínútu fyrri hálfleiks. Staðan 4-0 í hálfleik.
Síðari hálfleikurinn verður Hólmari Daða Skúlasyni sennilega minnisstæður og gott ef kappinn hefur ekki skráð sig í sögubækurnar með einstakri þrennu – frekar ólíklegt að önnur eins þrenna hafi veirð gerð þó margt hafi gerst í boltanum. Flottast þykir að gera þrennu með hægri fæti, vinstri og skalla en kappinn yfirtrompaði það rækilega. Hann gerði reyndar öll mörkin með vinstri; fyrsta markið beint úr hornspyrnu, annað beint úr aukaspyrnu og það þriðja (beint) úr vítaspyrnu!
Hann gerði fimmta mark Tindastóls á 49. mínútu, sjötta á 60. mínútu, þá gerði Emil Óli sjöunda mark Stólanna á 64. mínútu og Hólmar fullkomnaði þrennuna á 74. mínútu úr víti eftir að Ísak nældi í víti. Ísak gerði síðan laglegt mark á 80. mínútu en á 91. mínútu gerði Milovan Barac gullfallegt mark fyrir gestina. Emil Óli gerði síðan tíunda mark Tindastóls á 94. mínútu og meira var ekki skorað.
Kannski var það jákvætt fyrir lið Afríku að í lið Tindastóls vantaði þrjá helstu markaskorara liðsins í sumar en Basi, Jónas og Jóhann Daði voru allir fjarri góðu gamni. Með sigrinum komst Tindastóll að nýju í efsta sæti B riðils 4. deildar, er með 20 stig líkt og lið KFK sem á þá leik inni.
Áhorfendur vildu koma því á framfæri að mikið var um bræður í liði Tindastóls í dag. Leikinn byrjuðu þrjú bræðrasett; Anton og Oskar Örth, Addi og Ísak og Siggi og Jón Gísli Stefánssynir. Bragi Skúla kom inn á í síðari hálfleik og þá var Hólmar bróðir hans í miðju þrennuverkefni. Þá má reyndar nefna líka að Konni fyrirliði er bróðir Donna þjálfara og Eysteinn Guðbrands, sem kom inn á á 74. mínútu er sonur Gubba sem var í stúkunni... en það er auðvitað allt önnur Ella.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.