Hafnfirðingar sáu rautt á Húnavöku
Það var leikið á Blönduósvelli síðdegis í gær en þá tóku heimamenn í Kormáki/Hvöt á móti Hafnfirðingum í liði ÍH. Gestirnir hafa ekki verið að sperra stél í 3. deildinni það sem af er sumars og það var því úrvals tækifæri fyrir lið Húnvetninga að tryggja enn betur stöðu sína í deildinni. Það reyndist ekki erfitt því gestirnir gerðu sjálfum sér lítinn greiða með því að missa tvo leikmenn af velli með rautt spjald strax í fyrri hálfleik. Lokatölur voru 4-0.
Markasérfræðingurinn Hilmar Þór Kárason var aðeins fimm mínútur að finna netmöskvana í gær og koma heimamönnum í forystu. Hann bætti um betur á 25. mínútu en þá var Róbert Andri Árnason þegar farinn að kanna sturturnar á Blönduósi eftir að hafa fengið að líta rautt spjald hjá dómara leiksins. Hafnfirðingarnir virðast hafa verið örlítið vanstilltir því á 31. mínútu fékk Arnar Sigþórsson gult spjald og síðan rautt þremur mínútum síðar. Staðan var því ekki góð hjá gestunum í hálfleik, 2-0 undir og tveimur mönnum færri.
Eftir klukkutíma leik bætti Aliu Djalo við þriðja marki Kormáks/Hvatar og Kristinn Bjarni Andrason kórónaði góðan sigur með fjórða markinu á 70. mínútu.
Með sigrinum stukku Húnvetningar upp í sjöunda sæti 3. deildar, eru með 17 stig að tólk leikjum loknum. Nú er staða liðsins þannig að styttra er upp á topp deildarinnar en niður í fallsæti. Í næstu umferð getur liðið með sigri komið sér í spennandi stöðu en þá á Kormákur/Hvöt heimaleik á Hvammstangavelli þar sem mótherjarnir verða Vængir Júpiters sem hafa verið að ströggla að undanförnu.
Það eru því spennandi vikur framundan – áfram Kormákur/Hvöt!
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.