Enn er beðið eftir lokaniðurstöðum lækna vegna Bess
Það má kannski segja að gengi körfuboltaliðs Tindastóls í Subway-deildinni sé beintengt við púlsinn í samfélaginu hér á Króknum. Í síðasta sigurleik gegn ÍR sat Javon Bess meiddur á bekknum og óvíst um framhaldið hjá honum og má fullyrða að þá hafi skapast svokallaður óróapúls meðal stuðningsmanna Tindastóls.
Feykir sendi nokkrar spurningar á Baldur Þór Ragnarsson, þjálfara Stólanna, og spurði út í Bess og bætingu liðsins í síðustu leikjum.
Nú eru örugglega margir sem hafa áhyggjur af Javon Bess. Hvað hrjáir kappann og hvernig eru horfurnar með hann? „Það myndaðist bólga í ristinni á honum og var haldið að það væri útfrá skrúfu sem væri komin á hreyfingu sem var sett í hann fyrir sjö árum þegar hann fótbrotnaði. Við erum enn að bíða eftir lokaniðurstöðum frá læknum en við erum bjartsýn á að hann verði í lagi miðað við fyrstu skoðun.“
Ef sú staða kemur upp að hann geti ekki spilað meira á lið Tindastóls einhvern möguleika á að næla í annan bandarískan leikmann fyrir úrslitakeppnina? „Þar sem félagaskiptaglugginn er lokaður hjá KKÍ er ómögulegt að bæta við sig nýjum leikmanni út þetta leiktímabil.“
Hver finnst þér hafa verið helsta breytingin á spilamennsku Tindastóls í síðustu leikjum? „Við höfum hitt betur, Arnar og Pétur hafa bætt við sig snúning. Varnarleikurinn hefur verið betri. Svo er einbeiting og orka til staðar í öllum þessum leikjum. Einnig höfum við fundið fyrir stuðningi frá samfélaginu og hann gefur okkur extra power.“
Hvernig sérð þú úrslitakeppnina fyrir þér – eigum við möguleika á að ná langt? „Ef við spilum okkar besta bolta sóknar- og varnarlega, fáum mikinn stuðning úr stúkunni, þá getum við farið langt,“ segir Baldur Þór að lokum. Næsti leikur Tindastóls verður hér heima 24. mars þegar Keflvíkingar banka upp á.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.