Bjarki Már tekinn við liði Reynis í Sandgerði
Knattspyrnukappinn Bjarki Már Árnason, sem búið hefur á Hofsósi til fjölda ára, hefur nú fært sig um set en hann hefur verið ráðinn þjálfari hjá 2. deildar liði Reynis í Sandgerði. Bjarki er búinn að spila meistaraflokksfótbolta í 25 ár, hóf leik í Keflavík 1997 og lék nú síðast með liði Kormáks/Hvatar en hann var þó lengstum í herbúðum Tindastóls.
Samkvæmt tölfræði á heimasíðu KSÍ á Bjarki að baki 430 leiki og í þeim hefur varnarjaxlinn gert 46 mörk sem verður að teljast bísna gott – sennilega hafa flest mörkin komið eftir hornspyrnur eða föst leikatriði eins og oft vill verða hjá varnarmönnum.
Sem fyrr segir hóf hann ferilinn í heimabyggðinni Keflavík, skipti í Skallagrím 1999 og snéri síðan aftur í Keflavík 2001. Árin 2002 og 2003 lék hann með Aftureldingu í Mosfellsbæ en hann hélt síðan norður á Krók 2005 þar sem hann lék fyrst í sjö tímabil, var síðan eitt sumar með Drangey á Króknum en skipti síðan sumarið 2013 í Magna Grenivík þar sem hann var eitt tímabil. Aftur skipti hann yfir í Stólana og lék með þeim í 1. deild 2014 og flakkaði með liðinu milli deilda allt þar til hann skipti yfir í Kormák/Hvöt 2019. Hann lék stórt hlutverk í að koma liði Kormáks/Hvatar upp í 3. deild síðasta sumar og hóf leik með K/H nú í vor en nú leiðir fótboltaævintýrið hann á ný suður með sjó.
Ekki má gleyma að Bjarki var aðalþjálfari Tindastóls í tvö ár, aðstoðarþjálfari í þrjú og hálft ár, tvö ár aðalþjálfari meistaraflokks kvenna hjá Tindastóli og svo þjálfaði hann Kormák/Hvöt tímabilin 2019 og 2020.
„Notið mín í botn frá degi eitt“
Bjarki tjáði Feyki að hann væri mjög spenntur fyrir því að taka við liði Reynis og verkefnið væri bæði spennandi og krefjandi. Liðið situr á botni 2. deildar með þrjú stig eftir átta leiki og það þótti Sandgerðingum ekki gott mál og sögðu þjálfaranum, Luka Jagacic, upp störfum. Raunar eru fjögur önnur lið á svipuðu reki og lið Reynis og einn sigur kæmi liði Bjarka Más upp úr fallsæti. Þannig að staðan er langt frá því vonlaus enda 14 umferðir enn óspilaðir.
Auk þess að vera á kafi í fótbolta og sinna öðrum áhugamálum á Hofsósi og víðar hefur Bjarki starfað sem kennari við Grunnskólann austan Vatna og nú síðustu árin var hann aðstoðarskólastjóri. Feykir spurði Bjarka hvort það væri ekki söknuður að kveðja Hofsós. „Það var mjög erfitt að fara úr firðinum fagra enda [hef ég] notið mín í botn frá degi eitt,“ sagði Bjarki.
Feykir óskar Bjarka Má velfarnaðar á nýjum slóðum og þakkar fyrir góð samskipti í gegnum tíðina.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.