Arnar Geir í fyrsta sinn á Íslandsmótið í pílukasti
Íslandsmót í pílukasti var haldið helgina 14. og 15. maí síðastliðinn og mættu um 70 manns til að taka þátt, meðal þeirra var Arnar Geir Hjartarson sem keppti fyrir hönd pílu og bogfimideildar Tindastóls.
Í tilefni þess sendi blaðamaður Feykis Arnari nokkrar spurningar þessu tengdar.
Getur þú sagt mér aðeins frá þessu móti? Hversu margir keppa á svona móti? Hvað þarf til að taka þátt?
Þetta er mót sem haldið er einu sinni á ári, þar sem íslandsmeistarar í pílukasti eru krýndir. Þetta er haldið á Bullseye í Reykjavík, einum flottasta pílustað í Evrópu. Þetta er tveggja daga mót, þar sem fyrri daginn er spilaði í riðlum til að ákvarða röðun fyrir útsláttinn sem er spilaður seinni daginn.
Það var keppt í bæði karla og kvenna flokki og að þessu sinni voru 53 karlar skráðir og 15 konur. Einu skilyrðin til þátttöku eru að vera skráður í aðildarfélag Íslenska Pílusambandsins.
Á laugardeginum var þátttakendum skipt upp í 6-7 manna riðla og spiluðu þar allir við alla. Ég lenti í 7 manna riðli og vann alla 6 leikina mína, sem þýddi það að ég fór sjálfkrafa í gegnum fyrstu umferð á sunnudeginum og fór beint inní 32 manna úrslit, ég vann leikinn minn þar og gerði svo slíkt hið sama í 16 manna úrslitum. En í 8 manna úrslitum tapaði ég þrátt fyrir að spila minn besta leik í mótinu.
Ég er mjög ánægður með árangurinn í mótinu, en þetta var í fyrsta skiptið sem ég spila í Íslandsmóti í pílu. Ég er eiginlega nýbyrjaður að keppa í pílu, ég fór í mitt fyrsta mót í lok janúar og var þetta aðeins fjórða mótið sem ég tek þátt í.
Nú er nýstofnuð píludeild innan Tindastóls og hún og bogfimideildin voru færð í eina deild.
Já, deildirnar voru sameinaðar fyrir u.þ.b. ári síðan og var orðinn gildur meðlimur innan Íslenska Pílusambandsins núna rétt í kringum áramótin. Starfsemi innan deildarinnar hefur því miður ekki verið mikil og aðalástæðan fyrir því er aðstöðuleysi. Okkur alveg bráðvantar aðstöðu til að geta hýst starfsemina og geta leyft fleira fólki að koma og prófa. Okkur langar að geta haldið mót, fjölgað meðlimum og fjölga þátttakendum á mótum á vegum Íslenska pílusambandsins frá Tindastól.
Hvar æfir píludeildin og hvenær?
Það hafa ekki verið skipulagðar æfingar hingað til og enginn þjálfari til staðar. Lítill hópur hefur hist af og til í iðnaðarhúsnæði og spilað smá. En annars eru flestir að spila bara í skúrnum heima hjá sér.
Er pílukast að vaxa í vinsældum hérlendis?
Ég er mjög nýr í þessum heimi og hef aðeins stundað þetta í rúmt ár. En af öllum þeim sem ég hef rætt við sem hafa verið í þessu í lengri tíma tala um mjög mikla aukningu undanfarin ár. Má þar einna helst þakka útsendingu frá heimsmeistaramótinu, sem er alltaf spilað í kringum jólin. Ég vissi varla af þessu fyrr en ég sá þetta þar og langaði mikið að prófa og varð alveg heltekinn. Það eru margir í sömu sporum og ég, sáu þetta fyrst í sjónvarpinu og ákváðu að kaupa spjald.
Svo er þetta nú ein af fáu íþróttunum hægt hefur verið að stunda undanfarin tvö ár, án truflana, þannig það hefur einnig stuðlað að miklum vinsældum. Það er líka mjög auðvelt að byrja í þessu sporti og ekki dýrt, spjaldið kostar 10-15 þúsund og ágætis pílur í kringum 7 þúsund, annað þarf ekki til.
/IÖF
Fleiri fréttir
-
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.