Ykkar eldmóður er ykkar áhugasvið
-Ykkar eldmóður er þar sem ykkar áhugasvið er, sagði Ásdís Guðmundsdóttir starfsmaður Atvinnumála kvenna í upphafi fyrsta fundar af þremur sem átta aðilar á Norðurlandi vestra standa fyrir undir yfirskriftinni: Norðurljós – kveikjum á perunni.
Þessi fyrsti fundur er liður í alþjóðlegri athafnaviku sem nú stendur yfir víða um heim en tilgangurinn er m.a. að benda á að lausn vandamála felst í athafnasemi og að allir geta lagt hönd á plóg við að færa fram eitthvað jákvætt til samfélagsins. Einnig er markmiðið að koma af stað öflugri hugmyndavinnu þar sem unnið er með tækifæri og möguleika á svæðinu.
Fundarstaður fyrsta fundarins var á Hótel Mælifelli á Sauðárkróki og þangað mættu tæplega 20 manns. Dagskrá fundarins var á þann veg að fyrst ræddi Ásdís Guðmundsdóttir um þá þætti sem einkenna frumkvöðla og þar komu orð eins og – eldmóður – orka – trú á sjálfum sér – jákvæð hugsun og þrautseigja – svo nokkur séu nefnd. Eftir það var þátttakendum skipt í hópa þar sem unnið var með hugmyndir sem fram komu.
Reynslusaga frumkvöðuls var næst á dagskrá og þar fræddi Kristján Blöndal, annar eigandi Kjalfells á Blönduósi, viðstadda um reynslu sína af því að stofna og reka fyrirtæki. Auk þess að benda á að slíkt verkefni sé langhlaup í sjálfu sér þá lagði hann m.a. áherslu á sveigjanleika og að vera alltaf að skoða nýja möguleika.
Í lok fundar kynntu fundarboðendur þá þjónustu og möguleika sem felast í þeirra störfum en allir sinna þeir aðstoð við frumkvöðla á Norðurlandi vestra og aðra þá sem vilja stofna fyrirtæki eða standa fyrir viðburðum.
Eftirtaldir aðilar stóðu að fundunum: Atvinnumál kvenna, Byggðastofnun, Menningarráð Norðurlands vestra, Nýsköpunarmiðstöð Íslands, SSNV – atvinnuþróun, Vaxtarsamningur Norðurlands vestra, Vinnumálastofnu og Virkja – Norðvesturkonur.
Síðari tveir fundirnir verða í Félagsheimilinu á Blönduósi miðvikudaginn 18. nóvember og á Café Síróp á Hvammstanga fimmtudaginn 19. nóvember og hefjast báðir fundirnir kl. 11.00.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.