Yfirlýsing oddvita Pírata í NV kjördæmi
Ég vil byrja á að þakka öllum, sem hafa tekið sér tíma til að senda mér skilaboð og góðar hugsanir, kærlega fyrir stuðninginn. Ég er upp með mér yfir því trausti sem Píratar á landsvísu hafa sýnt mér með því að velja mig sem oddvita í NV kjördæmi og mun ég gera mitt allra besta til þess að standa undir væntingum.
Eftir langt prófkjörskosningaferli er listinn nú endanlega tilbúinn, að því gefnu að allir taki sitt sæti. Á honum er fjölbreytt og frábært fólk, en það er einmittþað sem gerir flokkinn sterkan. Í honum eru fulltrúar flestra stétta og hópa samfélagsins og vilja Píratar vinna að því að bæta samfélagið og vinna að auknum jöfnuði. Píratar standa fyrir verndun og eflingu borgararéttinda, gagnrýna hugsun, frelsi og sjálfsákvörðunarrétt borgaranna, beint lýðræði og gagnsæi valdastoða samfélagsins. Það er þessi hugmyndafræði Pírata sem ég heillaðist af í byrjun og mun nú gera mitt besta til þess að vinna að. Einnig tel ég að með Pírötum komi nýr og ferskur andblær inn í stjórnmálin á Íslandi þar sem gagnrýnin hugsun er í fyrirrúmi. Þetta sást vel í prófkjörskosningunum þar sem fólk innan jafnt sem utan flokksins horfði gagnrýnum augum á ferlið, um það var rætt opið og frjálslega og eftir stöndum við með mjög mikilvægan lærdóm fyrir næstu prófkjörskosningar. Þessi tegund gagnrýnnar hugsunar á einnig mjög vel við á Alþingi þar sem alþingismenn úr ólíkum flokkum, með mismunandi skoðanir koma saman og eiga að vinna með vandmeðfarin mál. Í þannig stöðu er mikilvægt að geta gagnrýnt á uppbyggilegan og málefnalegan hátt og reynt að finna sameiginlegan snertiflöt og niðurstöðu sem hugnast flestum. Lykillinn að þessu er að við komum öll fram við hvort annað af virðingu og mætumst á málefnalegum grunni - því þó við komum frá ólíkum flokkum og höfum ólíkar áherslur ættu allir stjórnmála- og alþingismenn landsins að hafa a.m.k einn sameiginlegan grunn og það er að bæta lífsskilyrði landsmanna og samfélagið allt.
Eva Pandora Baldursdóttir
Fleiri fréttir
-
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.