Vísindaferð kvikmyndabrautarnemenda FNV í tengslum við RIFF
Hópur kvikmyndagerðarnema á kvikmyndabraut Fjölbrautaskóla Norðurlands vestra (FNV) fór í síðustu viku í árlega vísindaferð til Reykjavíkur í tengslum við Alþjóðlegu kvikmyndahátíðina í Reykjavík (Reykjavík International Film Festival, RIFF). Lagt var af stað á fimmtudagsmorgni og komið heim á laugardagskvöldi.
Nemendur á kvikmyndabraut FNV hafa undanfarin ár heimsótt hátíðina og tekið þátt í henni auk þess að heimsækja fyrirtæki og stofnanir sem tengjast kvikmyndagerð og fjölmiðlun. Á fimmtudeginum heimsótti hópurinn tækjaleiguna Kukl ehf. sem er stærsta og sérhæfðasta tækjaleiga landsins sem þjónustar bæði innlenda og erlenda kvikmyndaframleiðendur. Þar tók á móti hópnum Dagur de’Medici Ólafsson, sem reyndar á ættir að rekja í Skagafjörðinn. Að lokinni heimsókn í Kukl fór hópurinn í Efstaleiti á fræðslu og kynningu á starfssemi RUV ohf. Þar tók á móti okkur Sigrún Hermannsdóttir (systurdóttir Árna Stefánssonar, íþróttakennara á Sauðárkróki). Þaðan var síðan haldið á Kvikmyndahátíðina RIFF. Að morgni föstudags tókum við þátt í svo nefndum “Bransadögum” og kynntum heimildamyndina “Velkomnir í Síkið!”, sem Skotta Film framleiðir. Eftir hádegi á föstudeginum heimsóttum við Sýn og Stöð2 en þar tóku á móti okkur Þóra Björg Clausen, dagskrárstjóri Stöðvar2 og Eva Georgs. Ásudóttir, framleiðslustjóri. Í lok heimsóknarinnar á Sýn var heilsað upp á skagfirðinginn Auðun Blöndal og félaga hans, Sveppa, Steinda, Gils og Fannar sem kenndur er við Hraðfréttir.Á föstudagskvöldinu var kynning á kvikmyndabraut FNV á RIFF í anddyri Háskólabíós. Þargafst gestum og gangandi tækifæri á að heimsækja Drangey og Málmey í 360°sýndarveruleikagleraugum.
Á laugardeginum heimsótti hópurinn hljóðverið “Upptekið” og Gunnar Árnason hljóðmann með meiru, sem bauð upp á snittur, gos og afar áhugaverðan fyrirlestur um hljóðverið, hljóðsetningu og sína eigin reynslu af AD/HD. Síðdegis á laugardag var haldið til baka heim á Krók en við viljum nota tækifærið og þakka öllum kærlega fyrir frábærar móttökur.
Árni Gunnarsson, kvikmyndagerðarmaður og kennari.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.