Vilja reglur um Drangeyjarsund
Björgunarsveitin Skagfirðingasveit hefur ákveðið að setja sér starfsreglur um fylgd við sjósundmenn. Sem stendur gilda engar reglur um öryggi sundmanna og því hefur stjórn Skagfirðingasveitar samþykkt viðmiðunarreglur, taki sveitin að sér fylgd við sundmenn, svo að lágmarks öryggi sundmanna og fylgdarliðs sé tryggt.
Allar björgunarsveitir í Skagafirði og á Siglufirði voru boðaðar út fyrir skemmstu þegar maður í sjósundmaður týndist.
Í því tilfelli voru tveir í sjónum og einn bátur að fylgja. Við höfum þá skoðun að einn bátur þurfi að fylgja hverjum sundmanni og störfum nú eftir því. Það er margt sem getur farið úrskeiðis á sjó og erfitt getur reynst að finna fólk á haffletinum. Ef aðstæður eru ekki uppá hið allra besta t.d einhver alda eða skyggni takmarkað getur verið nær ómögulegt að koma auga á hluti í sjónum, ekki síst þegar litlir bátar eru notaðir og yfirsýn takmörkuð. Sundmenn eins og aðrir kólna hratt í sjónum og tími til leitar þessvegna afar naumur. Það er því skoðun okkar að öryggi sundmanna verði ekki að fullu tryggt nema að einn bátur fylgi hverjum sundmanni, annað er leikur að eldi, segir Jón Hö formaður Skagfirðingasveitar.
Að sögn björgunarsveitamanna hafa þeir mikinn áhuga á því að reglur verði settar um Drangeyjarsund. Ein hugmynd er sú að einhver aðili taki að sér að halda utanum Drangeyjarsund og Grettissund og sjái um að sundmenn fá afrek sín viðurkennd og skráð. Hvort sem að sá aðili er sveitarfélagið, björgunarsveit, sunddeildin eða einhver annar, kæmi sá aðili til með að halda utanum skráningu afreka, tíma og skipulag gegn sanngjörnu gjaldi. Björgunarsveitin Skagfirðingasveit eða aðrir viðurkenndir aðilar komi svo til með að fylgja þeim öryggiskröfum sem settar eru svo að öryggi sundmanna og fylgdarliðs sé sem best tryggt. -Þróist málin í þessa átt er fylgd við sjósundmenn verkefni sem við vildum glaðir sinna, segir Jón.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.