Vigdís Edda hefur vistaskipti og spilar nú með liði Þórs/KA
Knattspyrnudeild Þórs/KA hefur gert tveggja ára samning við Króksarann Vigdísi Eddu Friðriksdóttur (1999) en hún kemur til Akureyrarfélagsins eftir tvö ævintýraár með liði Breiðabliks í Kópavogi. Vigdís Edda er að sjálfsögðu uppalin Stólastúlka og er nú á ný komin á kantinn hjá Jóni Stefáni sem áður þjálfaði lið Tindastóls en tók í haust við liði Þórs/KA. Akureyringar ætla sér stóra hluti í Pepsi Max deildinni í sumar og hafa styrkt hópinn töluvert að undanförnu.
Hjá Breiðabliki lék Vigdís Edda 25 leiki í efstu deild og skoraði í þeim tvö mörk og þá lék hún fjóra leiki í Mjólkurbikarnum og gerði í þeim tvö mörk. Fyrra sumarið hennar varð hún Íslandsmeistari með Blikum. Þá tók hún þátt í öllum sex leikjum Blika í Meistaradeild Evrópu sl. haust þar sem mótherjarnir voru meðal annars lið Paris Saint German og Real Madrid. Það eru ekki margir íslenskir leikmenn með það á ferilsskránni!
Vigdís lék fyrsta leik sinn með meistaraflokki kvenna með liði Tindastóls í C-riðli 1. deildar sumarið 2015 en árið á eftir gerði hún fimm mörk í tíu leikjum en mest gerði hún tíu mörk á einu tímabili í 2. deild kvenna 2018 þegar ævintýri Stólastúlkna fór á flug. Alls gerði Vigdís 30 mörk í rétt rúmlega 100 leikjum með liði Tindastóls en oftar en ekki var hún á kantinum; eldsnögg og áræðin.
Þór/KA hafnaði í sjötta sæti úrvalsdeildarinnar á síðustu leiktíð með 22 stig úr 18 leikjum. „Ég er gífurlega ánægður með að fá Vigdísi í Þór/KA. Við þekkjumst vel frá því ég þjálfaði hana í Tindastóli og þarna fer stelpa sem getur náð ofboðslega langt og styrkir okkar hóp mikið. Hún mun smellpassa í hópinn okkar bæði sem leikmaður og karakter. Svo ég tali nú ekki um hve vel hún hentar í leikstíl liðsins,“ segir Jón Stefán á heimasíðu Þórs/KA.
Feykir óskar Vigdísi Eddu velfarnaðar í Pepsi Max í sumar.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.