Við Geitarskarð ætlaði allt uppúr að sjóða
Hver er maðurinn?
Stefán Vagn Stefánsson
Hverra manna ertu ?
Sonur Stebba Dýllu og Sigríðar Hrafnhildar Stefánsdóttur (Vagnssonar frá Hjaltastöðum)
Árgangur?
1972
Hvar elur þú manninn í dag ?
Ég var brottfloginn en er það ekki lengur og undrast að vera í þessum dagskrálið þar sem ég bý á Króknum (ca 138m frá Nýprennt)
Fjölskylduhagir?
Hef verið í staðfestri sambúð síðan 2. desember 1995 með Hrafnhildi Guðjónsdóttur.
Afkomendur?
Börnin eru þrjú, Sara líf (15 ára) Atli Dagur (9 ára) og Sigríður Hrafnhildur (1 árs)
Helstu áhugamál?
þjóðmál af ýmsum toga, fréttir Fótbolti og nú nýverið körfubolti.
Við hvað starfar þú?
Yfirlögregluþjónn í Skagafirði.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er .....................þar sem fjölskyldan er
Það er gaman.........................heima
Ég man þá daga er........................búningsaðstaða knattspyrnumanna á Sauðárkróki var undir sundlauginni og oftar en ekki var meiri jarðvegur inni í klefunum en fyrir utan. Eftir æfingar gengu menn yfir Skagfirðingabraut og fengu sér litla kók í gleri og prins póló á Bláfell og allir fóru áænægðir heim.
Spurt frá síðasta viðmælanda.................... hver er besta sagan sem þú kannt af Inga Þór?
Svar............Bestu sögurnar af Inga Þór eru ekki prennthæfar í svona virðulegan fjölmiðil en þessi er ágæt. Eitthvert kvöldið (sennilega laugardagskvöld) vorum ég, Ingi, Smári og Hilmar Hilmarsson sem nú er orðinn virðulegur doktor í Reykjavík, á leið á dansleik á Blönduósi. Ingi og Smári sátu hlið við hlið aftur í og ekki leið á löngu, sennilega einhverstaðar í kringum Varmahlíð að Smári byrjar að “djöflast” í Inga Þór. Umræðuefnið var að allann kraft vanntaði í Inga og að skot og sendingar frá honum væru algerlega kraftlausar og að hann væri heppinn ef hann kæmi boltanum heilan hring. (en á þessum tíma vorum við allir að spila með fótbolta Tindastól). Magnaðist árgeiningurinn eftir því sem leið á ferðina og þvertók Ingi fyrir að geta ekki sparkað almennilega í bolta og var orðinn verulega pirraður við Smára sem skemmti sér konunglega. Við Geitarskarð ættlaði allt uppúr að sjóða en með lægni var hægt að lempa ástandið þar til við komum á Blönduós. Í þann veginn sem við erum að leggja bílnum við félagsheimilið á Blönduósi segir Smári við Inga að hann sé svo mikill ræfill að hann geti öruglega ekki sparkað skónum sínum upp á þak félagsheimilisins. Ingi ríkur út úr bíllum, lítur á okkur og segir: ég skla nú bara sína þér það góði minn, og tekur þetta líka rosalega spark í átt að félagsheimilinu, skórinn flaug af fætinum og endaði upp á miðju þaki við mikinn fögnuð nærstaddra. Fólk sem á þetta horfði dáðist af skotkrafti þessa unga Skagfirðings sem heldur betur náði að þagga niður í Smára, en þurfti í staðinn að dansa einskóa það sem eftir lifði nætur.
Hvern villt þú sjá svara þessum spurningum og hvaða spurningu myndir þú leggja fyrir viðkomandi?
Nafn.............Þórhallur Ásmundsson
Spurningin er..................hvað getur þú ímyndað þér að þú sért búinn að spila marga fótboltaleiki um æfina og með hvað mörgum liðum.
Fleiri fréttir
-
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.