Verður seint kallaður meistarakokkur
Það er körfuboltastjarna Skagafjarðar, Axel Kárason, sem var matgæðingur vikunnar í tbl 10 á þessu ári. En hann er ekki bara lunkinn með boltann hann er einnig dýralæknir á Dýraspítalanum Glæsibæ og situr í sveitarstjórn Skagafjarðar fyrir hönd framsóknarmanna. Hann býr í Vík í Staðarhreppi ásamt kærustunni, Leana Haag, og eru þau undir verndarvæng lénsherrans og landeigandans Ómars á Gili.
„Það verður seint sagt að ég kallist einhver meistarakokkur, en á námsárunum í útlöndum var ég orðinn býsna lunkinn við að elda hakk, reyndar var alltaf meira hugsað um magnið heldur en gæðin í þá daga. Til að verða mér ekki algjörlega til skammar leitaði ég mér aðstoðar og hér koma uppskriftir sunnan úr Ölpunum sem eru vinsælar á heimilinu,“ segir Axel.
AÐALRÉTTUR
Roastbeef
1,2 kg roastbeefsteik eða í þá áttina, t.d. lund.
2 msk. olía.
4 kvistir af rósmarín eða 2 msk. af þurrkaðri rósmarín.
60 g smjör.
salt & pipar
Aðferð: Takið roastbeefið úr kæli einni klukkustund áður. Hitið ofninn, með eldföstu móti, í 80°C (með undir og yfir). Hitið pönnuna með olíunni á hæstu stillingu. Þegar olían er heit, þ.e.a.s. fljótandi eins og vatn, er steikin sett á pönnuna. Steikið allar hliðar í u.þ.b. þrjár mínútur þar til kjötið er orðið gullbrúnt. Varast skal að gata kjötið þegar því er snúið til að koma í veg fyrir að kjötsafi sleppi. Takið eldfasta mótið úr ofninum og setjið kjötið í það. Kryddið með salti og pipar. Kjöthitamæli er stungið í þar sem kjötið er þykkast þannig að odd-urinn sé nokkurn veginn í miðri steik. Setjið smjörið og rósmarín-kvistana á kjötið og fatið svo sett í miðjan ofninn sem er ávallt hafður á 80°C. Eftir um það bil tvær og hálfa klukkustund ætti roastbeefið að hafa náð 55°C kjarnhita. Takið kjötið úr ofn-inum, skerið og berið fram strax. Létt tartarsósa og bakaðar kartöflur passa vel með steikinni, eða brauð.
MEÐLÆTI
Tartarsósa
200 g majónes
1 harðsoðið egg
1 súr gúrka
1/4 laukur
1 msk. steinselja
salt & pipar eftir þörfum
Aðferð: Skerið eggið og gúrkuna í teninga, saxið laukinn smátt, saxið steinseljuna. Blandið öllu út í majónesið og kryddið eftir smekk.
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.