Verðkönnun á matvöruverði í Skagafirði
Verðlagseftirlit ASÍ gerði verðkönnun í matvöruverslunum í Skagafirði og víðsvegar á landinu í samstarfi við Ölduna, stéttarfélag, Einingu Iðju og AFL-Starfsgreinafélag og Drífanda stéttarfélag, þann 27. október sl. Þegar verð í verslunum á Sauðárkróki er borið saman við verð í sambærilegum þjónustuverslunum í könnunninni, kemur í ljós að verslanir á Sauðárkróki eru að meðaltali með lægra verð á helmingi þeirra vara sem skoðaðar voru.
Minnstur verðmunur er á mjólk og forverðmerktum vörum eins og osti og áleggi. Grænmeti sem skoðað var í könnunninni var í öllum tilvikum að meðaltali óódýrara á Sauðárkróki en í öðrum sambærilegum verslunum.
Meðalverð á drykkjarvörum í könnuninni var hærra á Sauðárkróki, en hjá sambærilegum verslunum víðs vegar um landið. Einnig er mikill verðmunur á kjöti, frosið lambalæri var t.d. að jafnaði 23% ódýrara á Sauðárkróki en ferskar kjúklingabringur 38% dýrari á Sauðárkróki en í öðrum sambærilegum verslunum könunninni.
Sjá yfirlitstöflu yfir verslanir og vörur í könnuninni á vef ASÍ
Borgar sig að keyra til Akureyrar?
Þegar verðlagseftirlit ASÍ bar saman innkaup á Sauðárkróki og þeim lágvöruverðsverslunum sem kannað var verð í á Akureyri reyndist 32% verðmunur á hæsta og lægsta verði í matvörukörfunni. Vörukarfan var ódýrust í Bónus þar sem hún kostaði kr. 9.161 en dýrust í Skagfirðingabúð kr. 12.084, verðmunurinn er 2.923 krónur.
Af einstökum liðum í vörukörfunni var minnstur verðmunur á osti (5%) og mjólk (7%). Mestur verðmunur var á ódýrustu fáanlegu tegund af brúnum hrísgrjónum, sem voru ódýust í Bónus 198 kr/kg en dýrust í Skagfirðingabúð 548 kr/kg., verðmunurinn er 177%.
Það er því full ástæða fyrir neytendur í Skagafirði að vega það vel og meta hvort það standi undir kostnaði að keyra langar vegalengdir til að versla í matinn.
Sjá nánari upplýsingar um vörukörfu í töflu á vef ASÍ.
Í könnuninni var skráð niður hilluverð vara sem er það verð er neytandinn hefur upplýsingar um inni í búðinni, að hann eigi að greiða fyrir vöruna. Þegar skýrt er gefið til kynna að veittur sé afsláttur af merktu verði við kassa var skráð afsláttarverð. Skráð var kílóverð á vöru vegna þess að mjög mismunandi er hvaða pakkastærðir eru seldar í hverri verslun fyrir sig. Þetta er gert til þess að auðvelda verðsamanburð.
Könnunin var gerð í eftirtöldum verslunum; Bónus Akureyri, Krónunni Vestmannaeyjum, Nettó Akureyri, Hagkaup Skeifunni, Fjarðarkaupum Hólshrauni, Nóatún, Hringbraut 121, Samkaup – Úrval Egilsstöðum, Ellefu ellefu Vestmannaeyjum, Tíu ellefu, Borgartúni, Samkaup Strax, Suðurveri, Skagfirðingabúð og Hlíðarkaupum.
Hér er aðeins um beinan verðsamanburð að ræða, en ekki er lagt mat á gæði eða þjónustu söluaðila
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.