Vaxtarsprotar í Skagafirði og Eyjafirði
Hópur fólks á Norðurlandi hefur á undanförnum mánuðum tekið þátt í verkefninu Vaxtarsprotum. Þátttakendur vinna allir að ákveðnum viðfangsefnum sem lúta að atvinnusköpun í heimabyggð. Um er að ræða fjölbreytt viðfangsefni m.a. á sviði iðnaðar og ferðaþjónustu. 16 Vaxtarsprotar bætast í hópinn.
Vaxtarsprotar er stuðningsverkefni sem hefur það að markmiði að hvetja og styðja við fjölbreytta atvinnusköpun í sveitum landsins. Verkefnið, sem er á vegum Impru á Nýsköpunarmiðstöð Íslands og Framleiðnisjóðs landbúnaðarins, hóf göngu sína á árinu 2007, en hefur síðan komið til framkvæmdar víða um land.
Framkvæmd verkefnisins á Norðurlandi var unnin í samvinnu við Leiðbeiningarmiðstöðina í Skagafirði, Samtök sveitarfélaga á Norðurlandi Vestra og Búgarð Ráðgjafaþjónustu á Norðausturlandi. Þátttakendum í verkefninu hefur staðið til boða margvíslegur stuðningur. Boðið hefur verið upp á námskeið um stofnun og rekstur fyrirtækja, einstaklingsbundna leiðsögn, auk þess sem ýmsir styrkjamöguleikar hafa verið kynntir.
Viðfangsefni þátttakenda
Þátttakendurnir sem nú luku námskeiði á vegum Vaxtarsprotaverkefnisins voru 18 talsins, en samtals unnu þeir að 16 verkefnum. Viðfangsefni þátttakenda voru eftirfarandi að þessu sinni:
| Skagafjörður | |
| Þátttakendur | Heiti verkefnis |
| Helga Þórðardóttir, Mælifellsá, 560 Varmahlíð | Mælifellsá - lífrænar sauðfjárafurðir |
| Kristín Jónsdóttir, Sauðárkróki | Á Sturlungaslóð í Skagafirði |
| Sigurður Hansen, Kringlumýri, 560 Varmahlíð | Kakalastofa |
| Kristín Björg Ragnarsdóttir, Sauðárkróki | Villt dýr á Íslandi |
| Þórey Helgadóttir, Hólum, 551 Sauðárkróki | Hrosshagi - hestamiðstöð |
| Þórey Jónsdóttir, Keflavík, 551 Sauðárkróki | Barnagull |
| Elín Sigurðardóttir og Magnús Óskarsson, Sölvanes, 560 Varmahlíð | Vetrargestir – bókmenntadvöl í Sölvanesi |
| Eyjafjörður | |
| Þátttakendur | Heiti verkefnis |
| Aðalsteinn Hallgrímsson, Garði, 601 Akureyri | Fjósloftið - kaffihús - ferðamannafjós |
| Bjarni Thorarenssen, Miðbraut 4b, 630 Hrísey | Hrísiðn ehf - Hrísey heilnæm og heillandi |
| Brynja Birgisdóttir, Öngulsstöðum 3, 601 Akureyri | Hugarafl - heilsan þín heildrænar heilsulausnir |
| Einar Kr. Brynjólfsson, Miðsamtúni, 601 Akureyri | Samtyne - Minna er meira |
| Einar Örn Aðalsteinsson, Garði, 601 Akureyri | Nautakjöt.is |
| Halldór Hrafn Gunnarsson, Rauðá, 645 Húsavík | Fjárdráttur sundurdráttargangar fyrir sauðfé |
| Lenka Uhrová, 620 Dalvík | Rökstólar - samvinnumiðstöð sjálfbærni og samvinna |
| Valbjörg Fjólmundsdóttir, 600 Akureyri | Náttúrulist hugmyndavinna - verktaka |
Þátttakendur í Vaxtarsprotum í Skagafirði og Eyjafirði ásamt viðfangsefnum þeirra (að tveimur undanskildum sem óska ekki eftir fjölmiðlaumfjöllun um sín verkefni svo stöddu).
Á annað hundrað þátttakendur frá upphafi
Frá því að Vaxtarsprotaverkefnið hóf göngu sína hafa 147 manns lokið námskeiðum á vegum verkefnisins að þátttakendum frá Norðurlandi meðtöldum. Þessir aðilar hafa unnið að 114 verkefnum í allt. Meiri hluti þessar verkefna eru ný af nálinni, en einnig hefur verið þó nokkuð um að forsvarsmenn starfandi fyrirtækja hafi nýtt sér verkefnið til frekari framþróunar á sinni starfsemi.
Uppskeruhátíð
Þann 11. júní næstkomandi verður haldin uppskeruhátíð á vegum Vaxtarsprotaverkefnisins. Markmið hátíðarinnar er að vekja athygli á verkefnum þeirra sem tekið hafa þátt í verkefninu í Skagafirði og Eyjafirði og einnig að skapa formlega umgjörð um lok verkefnisins á þessum vetri. Hátíðin verður haldin í sal Þelamerkurskóla og hefst kl. 16:00.
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.