Varnargarður á Skarðseyri lagaður fyrir haustið
Miklar skemmdir urðu á Sauðárkróki síðastliðinn vetur þegar ítrekað flæddi yfir sjóvarnargarða á Eyrinni í þeim miklu óveðrum sem riðu yfir landið. Stefnt er að því að hækka garðana um allt að einum metra til að þeir standist vond veður og sjólag. Áætlað er að framkvæmdir á Skarðseyri sem stefnt er að í ár kosti allt að 50 milljónum króna en það eru Vegagerðin og Sveitarfélagið Skagafjörður sem standa að þeim.
„Eftir upplýsingum frá Vegagerðinni þá skilst okkur að það eigi að fara í útboð síðsumars og framkvæmdir fyrir haustið hér við Skarðseyrina,“ er haft eftir Sigfúsi Inga Sigfússyni, sveitarstjóra Svf. Skagafjarðar á Rúv.is.
Samkvæmt nýlegri skýrslu hafnadeildar Vegagerðarinnar þarf að hækka varnargarðana töluvert til að afleiðingar flóða, eins og þeirra sem Króksarar fengu að kenna á í vetur, gæti aðeins á 10-30 ára fresti en ekki árlega eins og annars er hætta á.
Fram kemur í máli Sigfúsar Inga að sveitarfélagið hafi lagt áherslu á að varnargarður við Strandveginn á Sauðárkróki yrði einnig lagaður fyrir veturinn en samkvæmt skýrslu Vegagerðarinnar þarf að hækka hann um 40-60 sm. Áætlaður kostnaður við þann þátt er 200-250 milljónir króna en RÚV hefur eftir Vegagerðarmönnum að ekki verði farið í þær framkvæmdir fyrr en á næsta ári, m.a. vegna þess að kanna þurfi skemmdir á þeim kafla betur. Þá hafi ekkert tjón orðið vegna flóðanna við Strandveginn og viðgerðir því ekki jafn aðkallandi.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.