Alvarlegt umferðarslys við Grafará í gærkvöldi
Alvarlegt umferðarslys varð á Siglufjarðarvegi, við Grafará skammt sunnan við Hofsós, um klukkan hálf níu í gærkvöldi. Í tilkynningu frá Lögreglunni á Norðurlandi vestra kemur fram að bifreið sem ekið var í norðurátt kastaðist utan vegar með þeim afleiðingum að ökumaður hennar og þrír farþegar slösuðust.
Einn var fluttur með þyrlu Landhelgisgæslunnar á Landspítala Háskólasjúkrahús en aðrir fóru með sjúkraflugi á sama stað. Frekari upplýsingar um ástand þeirra liggur ekki fyrir.
Fram kemur í tilkynningunni að hópur ungmenna, tæplega 30 einstaklingar, sem voru á leið í samkvæmi á Hofsós, voru á vettvangi slyss er lögreglu bar að. Þeim var fylgt í húsnæði Björgunarsveitarinnar Grettis á Hofsósi þar sem lögregla, björgunarsveit og áfallateymi RKÍ hlúðu að þeim.
Veginum var lokað á meðan rannsóknarnefnd sa,gönguslysa var á vettvangi en um tíma var opnuð hjáleið fyrir foreldra og aðstandendur þeirra svo unnt væri að koma öllum í faðm fjölskyldu sinnar eða vina. Bakvakt barnaverndar í Skagafirði var í sambandi við lögreglu á vettvangi og var upplýst um aðgerðir.
Vegurinn var opnaður fyrir umferð kl. 01.07 í nótt en áfram verður unnið á vettvangi í dag.
Fleiri fréttir
-
Mjög gaman að skipuleggja veisluna
feykir.is Skagafjörður, Mannlíf 12.04.2025 kl. 15.23Árelía Margrét Grétarsdóttir býr á Hólmagrundinni á Króknum og verður fermd af sr. Sigríði Gunnarsdóttur. Árelía Margrét fermist þann 13. apríl í Sauðárkrókskirkju og er dóttir Ásu Bjargar Ingimarsdóttur og Grétars Þórs Þorsteinssonar. Hún sagði Feyki frá undirbúningi fermingarinnar og ýmsu öðru tengt deginum.Meira -
„Hann skildi fá peysu í jólagjöf þó það væri ekki nema partar af henni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 12.04.2025 kl. 15.18Ása Björg Ingimarsdóttir er hornóttur Skagfirðingur og býr á Sauðárkróki ásamt kærasta og barnsföður sínum honum Grétari Þór Þorsteinssyni, hreinræktuðum Skagfirðingi langt aftur (ef hann væri hross fengist örugglega mikið fyrir hann, segir Ása), ásamt kærleikskraftaverkunum þeirri þremur og tíkinni Þoku. Ása er kvikmyndagerðarmaður frá Kvikmyndaskóla Íslands, ferðamálafræðingur og viðburðastjórnandi frá Háskólanum á Hólum. Þau fjölskyldan fluttu aftur heim á Sauðárkrók seint á Covid-árinu 2020, eftir margra ára búsetu í Reykjavík og Keflavík.Meira -
„Ég var skotin í öllum strákunum“
feykir.is Skagafjörður, Mannlíf, Lokað efni 12.04.2025 kl. 14.51Vala Kristín Ófeigsdóttir er frá Hofsósi og býr þar á Kirkjugötunni. Vala er gift Helga Hrannari Traustasyni frá Syðri-Hofdölum og á með honum fimm börn. Vala vinnur í Grunnskóla austan Vatna á Hofsósi. Hún svaraði nokkrum spurningum Feykis um fermingardaginn sinn. „Ég fermdist í Hofskirkju 19. maí 2001 með Silju vinkonu minni frá Hofi.“Meira -
Tekist á um Húnavelli í sveitarstjórn Húnabyggðar
feykir.is Austur-Húnavatnssýsla, Lokað efni 12.04.2025 kl. 12.40Húnahornið segir frá því að eignir Húnabyggðar á Húnavöllum séu ennþá til sölu og hafa áhugasamir aðilar verið að sýna þeim mikinn áhuga og tilboð hafa borist. Þetta hefur miðillinn upp úr fundargerð sveitarstjórnar frá fundi hennar sl. þriðjudag. Fram kemur að ekki hafi þó náðst að gera endanlegt samkomulag og því hefur verið ákveðið að leigja eignirnar tímabundið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.