Val á manni ársins 2024 í Austur-Húnavatnssýslu
Á vefsíðunni huni.is segir að líkt og undanfarin 19 ár býður Húnahornið lesendum sínum að velja mann ársins í Austur-Húnavatnssýslu. Húni biðlar til lesenda að senda inn tilnefningu í gegnum þar til gerðan rafrænan atkvæðaseðil. Hver og einn getur sent inn eina tilnefningu og er jafnframt óskað eftir ástæðu tilnefningarinnar. Maður ársins í Austur-Húnavatnssýslu getur verið einstaklingur eða hópur manna.
Allir lesendur Húnahornsins eru hvattir til að taka þátt í valinu - Smelltu hér.
Lesendur Húnahornsins völdu Karólínu Elísabetardóttur sem mann ársins í Austur-Húnavatnssýslu árið 2023 og var það í annað sinn sem hún hlaut nafnbótina. Karolína er athafnakona og bóndi í Hvammshlíð í Húnabyggð. Undir forystu hennar var hafin leit að erlendum rannsóknum sem sýna fram á lausnir gegn riðuveiki. Í kjölfarið var rannsóknarhópur stofnaður sem fann svo verndandi arfgen gegn riðu.
Þetta er í 20. sinn sem Húnahornið stendur fyrir vali á manni ársins í Austur-Húnavatnssýslu.
Valið stendur til miðnættis 23. janúar næstkomandi og verða úrslit kynnt degi síðar.
Menn ársins í Austur-Húnavatnssýslu síðustu ár eru þessir:
2023: Karólína Elísabetardóttir
2022: Bryndís Bragadóttir
2021: Karólína Elísabetardóttir
2020: Valdimar Guðmannsson
2019: Björgunarsveitarfólk í Björgunarfélaginu Blöndu
2018: Guðjón Ragnarsson og hundurinn Tinni
2017: Eyþór Franzon Wechner
2016: Skarphéðinn Húnfjörð Einarsson
2015: Róbert Daníel Jónsson
2014: Brynhildur Erla Jakobsdóttir
2013: Elín Ósk Gísladóttir
2012: Kári Kárason og Pétur Arnar Kárason
2011: Einar Óli Fossdal
2010: Bóthildur Halldórsdóttir.
2009: Bóthildur Halldórsdóttir.
2008: Lárus Ægir Guðmundsson.
2007: Rúnar Þór Njálsson.
2006: Lárus B. Jónsson.
2005: Lárus B. Jónsson.
Fleiri fréttir
-
„Ég er mjög spennt fyrir vetrinum,“ | Íþróttagarpurinn Emma Katrín
feykir.is Skagafjörður, Íþróttir, Lokað efni 08.01.2025 kl. 13.10Í Ártúninu á Króknum býr Emma Katrín Helgadóttir en hún er fædd árið 2008 og hefur verið áberandi bæði í badminton og körfubolta hér á Sauðárkróki. Emma ólst upp í Reykjavík og æfði alls konar íþróttir þar eins og t.d. fimleika og fótbolta en eftir að hún flutti á Krókinn hefur hún einbeitt sér að körfuboltanum og badmintoninu. Það má því segja að hún sé að uppskera vel því hún hefur unnið marga titla í badminton og æft og keppt upp fyrir sig með meistaraflokki kvenna í körfunni. Hér er því á ferðinni stórefnilegur íþróttagarpur sem Feyki langaði til að kynnast aðeins betur.Meira -
Stríðnispúkinn hún Bellukrútt | Ég og gæludýrið mitt
feykir.is Skagafjörður, Lokað efni, Ég og gæludýrið mitt 08.01.2025 kl. 13.04Í gæludýraþættinum að þessu sinni fáum við að kynnast Dachshund eða langhundi sem Friðrik Henrý Árnason á. Friðrik Henrý á heima í Ásgarði Vestri í Viðvíkursveit í Skagafirði og er sonur Guðrúnar Hönnu og Árna Þórs.Meira -
Nýr framkvæmdastjóri hjá USVH
feykir.is Skagafjörður, Austur-Húnavatnssýsla, Vestur-Húnavatnssýsla 08.01.2025 kl. 12.26Á heimasíðu UMFÍ segir að Anton Scheel Birgisson sé nýr framkvæmdastjóri hjá Ungmennasambandi Vestur -Húnvetninga. Í tilkynningunni segir hann.. „Við ætlum að virkja félögin í því að koma með hugmyndir og senda inn umsókn í Hvatasjóð íþróttahreyfingarinnar. Hann getur veitt félögum ýmiss tækifæri,.“Meira -
Öflugur liðsauki við Byggðastofnun
feykir.is Skagafjörður, Austur-Húnavatnssýsla, Vestur-Húnavatnssýsla 08.01.2025 kl. 12.21Í byrjun desember sl. auglýsti Byggðastofnun eftir sérfræðingi á þróunarsvið stofnunarinnar. Alls bárust 18 umsóknir, 11 frá konum og sjö frá körlum. Nú hefur verið ákveðið ráða Hebu Guðmundsdóttur og Sigfús Ólaf Guðmundsson, segir á heimasíðu Byggðastofnunar.Meira -
Hrós dagsins fær Þröstur Árnason á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla 08.01.2025 kl. 10.58Það var skemmtileg færsla sem sást á Facebook-síðu Sveitarfélagsins Skagastrandar í gær. Þannig er málið að þar hefur snjóað eins og alls staðar á svæðinu en einn góður íbúi, Þröstur Árnason, tók upp á því fyrir stuttu að fara um bæinn eins og herforingi á fjórhjólinu sínu og ryðja snjó frá gangstéttum. Þetta er að sjalfsögðu frábært framtak fyrir litla samfélagið og er virkilega vel metið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.