Upp á topp með Tindastól! - Létt upphitun með stuðningsmannasöngvum.
Það er ekki laust við að spenningur sé allsráðandi hjá körfuboltaunnendum í dag þar sem úrslitaleikur Subway deildarinnar fer fram í Origo-höllinni á Hlíðarenda í Reykjavík fyrir sunnan. Varla þarf að minna á að þarna takast á lið Tindastóls og Vals í körfuboltanum og fer sigurliðið heim með Íslandsmeistarabikarinn. Af því tilefni dustum við rykið af þekktum stuðningsmannalögum Stólanna.
Gríðarleg eftirspurn hefur verið eftir miðum og fengu færri en vildu. Nokkurs pirrings gætti á samfélagsmiðlum þegar ljóst var að stuðningsfólk Tindastóls fengu takmarkaðan aðgang að miðum en reglan er að aðkomuliði er tryggður 30% miðafjölda sem seldur var á Króknum. Freistuðust margir Stólastuðningsmenn er búa sunnan heiða að kaupa miða á Hlíðarenda en kvörtuðu yfir því að hafa lent í ósanngjarnri síu þar sem miðarnir voru einkum ætlaðir stuðningsfólki Vals enda ljóst að uppselt yrði á leikinn löngu fyrir keppnisdag.
En nú er bara fyrir miðalausa að finna sér annan stað til að horfa á leikinn og eru margir kostir í stöðunni. Byrjum á því að nefna Stöð2 sport, sem einnig er hægt að nálgast á netinu vefsjónvarphttps://sjonvarp.stod2.is/live.
Á Facebook-síðu körfuboltadeildar Tindastóls kemur fram að í Skagafirði verði hægt að koma saman á nokkrum stöðum til að fylgjast með leiknum.
Króksbíó - skráning hér https://forms.gle/xAjRp3ssLmNdeJ1x6 kostar 1500 kr. og fer allur ágóði til kkd Tindastóls. Húsið opnar kl. 19:30.
Grand - inn, leikurinn sýndur.
Sauðá - leikurinn sýndur.
Hótel Varmahlíð - leikurinn sýndur.
„Í borginni býður Ölver stuðningsmönnum Tindastóls enn og aftur í heimsókn fyrir fimmtu og síðustu viðureign Tindastóls og Vals.
Húsið opnar 17:00 og verður lagt af stað í Origo höllina 18:30.
Um upphitun sjá nokkrir af fræknustu skemmtikröftum fjarðarins:
Úlfur Úlfur!
Sverrir Bergmann!
Auðunn Blöndal!
Dósi!!
og að sjálfsögðu bregður stuðningsmannasveitin á leik!“ segir á síðu deildarinnar.
Ef fleiri eru að sýna leikinn má hafa samband og þeim bætt inn í upptalninguna hér.
Leikurinn hefst klukkan 20:15 í kvöld og best að fara að rifja upp alla stuðningsmannasöngvana sem finna má á veraldarvefnum jafnvel þótt sumir beri þess merki að vera til stuðnings knattspyrnunni.
Áfram Tindastóll!
Posted by Körfuknattleiksdeild Tindastóls on Fimmtudagur, 21. apríl 2022
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.