Ungt fólk til athafna
Hjá Vinnumálastofnun hefur verið hrundið af stað verkefninu Ungt fólk til athafna. Markmið þess er að á næstu mánuðum verði ungt atvinnulaust fólk á aldrinum 16 – 24 ára komið í vinnu eða nám og stefnt að því að 1. apríl verði þau öll þátttakendur á vinnumarkaði eða í námstengdu úrræði.
Með auknu atvinnuleysi sem Norðurland vestra fer ekki varhluta af, þó það hafi verið minna hér en víðast annars staðar, er mjög mikilvægt að skapa úrræði fyrir ungt atvinnulaust fólk. Rannsóknir sýna að meiri hætta er á því að atvinnuleysi hafi neikvæð áhrif á daglegt líf ungs fólks en þeirra sem eldri eru og því er farið af stað með þetta sérstaka átak fyrir aldurshópinn.
Vinnumálastofnunar á Norðurlandi vestra hefur leitað til sveitarfélaga, atvinnurekenda og stofnana um samastarf vegna þessa verkefnis og fengið mjög góðar viðtökur sem hún vill þakka hér. Vona starfsmenn stofnunarinnar að áframhald verði á því góða samstarfi og að fleiri bætist í hópinn og hjálpi til við að búa til störf fyrir unga fólkið.
Ungt fólk til athafna fór af stað hér á Norðurlandi vestra í lok janúar og er afar ánægjulegt að geta sagt frá því að nær allt það unga fólk 16 – 24 ára sem þá var skráð í atvinnuleit, eða yfir 90% þeirra rúmlega 40 einstaklinga sem voru skráðir þá, eru nú komnir með eitthvert úrræði, annað hvort nám eða starf. Nýir ungir atvinnuleitendur hafa svo á móti komið inn hjá Vinnumálastofnun síðan þá og er nú unnið að því að finna viðeigandi vinnumarkaðsúrræði fyrir hvern og einn.
Til viðbótar við þessi starfstengdu úrræði hefur stofnunin staðið fyrir námskeiðum sem auðvelda atvinnuleitendum að finna leiðir fyrir sig, boðið þeim upp á viðtöl við ráðgjafa og gert nokkra námssamninga. Framundan er námskeið í Skagafirði sem byggir á námsskrá Fræðslumiðstöðvar atvinnulífsins sem kallast „Sterkari starfsmaður“ og verður það haldið á vegum Farskólans. Fleiri námskeið munu einnig standa til boða og verða þau kynnt þegar þar að kemur.
Að lokum bendum við áhugasömum á að kynna sér vinnumarkaðsúrræði Vinnumálastofnunar á vefnum www.vinnumalastofnun.is. Vinnumarkraðsúrræðin standa að sjálfsögðu öllum atvinnuleitendum til boða að uppfylltum ákveðnum skilyrðum og höfðu samráði við starfsfólk Vinnumálastofnunar. Frekari upplýsingar er að fá í síma 455 4200 eða á nordurland.vestra@vmst.is.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.