„Trymbillinn bróðir minn fær ekki að snerta hann“
Vignir Kjartansson svarar „Hljóðfærinu mínu“ að þessu sinni. Vignir býr á Suðurgötunni á Króknum og hefur að hans sögn gert alls konar í gegnum tíðina, alltaf eitthvað tengt matvælavinnslu og hliðarafurðum matvæla. Hann er slátrari og kjötiðnaðarmaður, vann við það í mörg ár en er í dag verkstjóri hjá Mjólkursamlagi Kaupfélags Skagfirðinga.
Hvaða hljóðfæri heldur þú mest upp á af þeim sem þú átt? „Ég held langmest upp á Fender Jazz Bass, árgerð 2001, framleiddur í USA. Ég hef spilað svo mikið á hann, sérstaklega fyrstu árin, a.m.k. eitt ball í viku og stundum tvö, að hann er orðinn partur af mér einhvern veginn.“
Hvers vegna heldur þú mest upp á þetta hljóðfæri? „Ég keypti hann nýjan af því að ég taldi þessa týpu henta mér vel, eftir að hafa prufað sams konar, það hefur reynst rétt. Mér finnst þessi bassi bestur allra bassa.... ég er hann og hann er ég.“
Ert þú fyrsti eigandinn að hljóðfærinu? „Já keypti hann nýjan, í Hljóðfærahúsi Reykjavíkur.“
Hefur hljóðfærið hljómað á einhverjum plötum eða lögum? „Nei ekki á útgefnu efni.“
Hefur þetta hljóðfæri eitthvað fram yfir svipuð hljóðfæri að þínu mati? „Ekkert annað en að hann passar mér.“
Gætir þú hugsað þér að selja það einhvern tímann? „Ekki aldeilis.“
Áttu einhverja skemmtilega sögu sem tengist hljóðfærinu á einhvern hátt? „Ekki þannig en ég hef þó eina reglu varðandi Fenderinn minn, hún er sú að trymbillinn bróðir minn fær ekki að snerta hann, ekki einu sinni að halda á honum í töskunni þegar verið er að róta, þetta hljóta allir að skilja.“
Hefur þú séð á eftir einhverju hljóðfæri sem þú værir til í að eiga í dag? „Já ég átti einu sinni Peavey bassa, lánaði hann bassaleikaranum í hinu sögufræga bandi Bróðir Svartúlfs og hef ekki séð hann síðan. Ég er til í að fá hann aftur, ég er ekkert reiður, þetta verður allt í lagi.
/SMH
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.