Trabbinn á Krafti 2009 er ekki í eigu Dalabóndans
Á forsíðu 43. tbl. Feykis er mynd frá útilífssýningunni Krafti sem haldin var 14. nóvember s.l. í Reiðhöllinni á Sauðárkróki. Þar standa nokkrir ungir menn og virða fyrir sér botn Trabants rallýbíls sem lagður hafði verið á hliðina.
Í myndatexta er sagt að bíllinn sé eign Dalabóndans sem frægur er fyrir þátttöku sína í rallýkeppnum hér á landi. Ekki er þetta alveg rétt því árið 1999 festu þeir Valdimar Pétursson á Sauðárkróki og Jóhann Ingi Haraldsson frá Enni kaup á Trabant 601 bifreið sem Örn Ingólfsson, Dali, átti áður.
Bifreiðin var höfð til einkanota til ársins 2002 en þá kepptu þeir Hilmar Erlingsson og Valdimar Pétursson í 8 keppnum það árið. Þeir tveir breyttu bifreiðinni þannig sem hún er í dag. T.d. smíðuðu flækjur breyttu spindilhalla hjóla, og gerðu breytingu á mótor sem ekki er gefinn upp. Þetta gerði það að verkum að trabantinn er sérútbúinn rallýbifreið og er sú eina sinna tegundar hér á landinu.
Þess má geta að rallýbifreiðin sem Örn Ingólfsson ekur á er ekki svona mikið breytt. Árið 2003 kepptu Valdimar og Jóhann í Skagafjarðarrallýinu og stóðu sig með ágætum. Árið 2004 kepptu Jóhann og Hilmar og lentu í næst síðasta sæti. Árið 2005 kepptu Valdimar og Jóhann í enn einni rallýkeppninni en náðu ekki að ljúka keppni. Síðan hefur ekki verið keppt á þessum eðal Trabba og er hann kominn hálfa leið á safn í Stóragerði þar sem hann verður til sýnis gestum og gangandi.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.