Tónleikar í Blönduóskirkju og í Miðgarði
Kirkjukór Glaumbæjarprestakalls hefur staðið í ströngu undanfarið. Ekki er langt síðan að kórinn var með gospeltónleika á Skagaströnd, sem voru vel sóttir og tókust mjög vel. Voru það svipaðir tónleikar og kórinn flutti á liðnu sumri í Þorgeirskirkju í Ljósavatnsskarði og í Glerárkirkju á Akureyri. Síðastliðinn sunnudag söng kórinn við aðventuhátíð á Löngumýri og framundan er söngur við messur um jól og áramót.
Sunnudagskvöldið 13. desember mun kórinn halda tónleika í Blönduóskirkju kl. 20.30. Flutt verður verkið Deutsche Messe, þýsk messa, eftir tónskáldið Franz Schubert.
Þar mun Rögnvaldur Valbergsson leika undir á nýtt og glæsilegt pípuorgel kirkjunnar. Þessir tónleikar verða einnig fluttir í Menningarhúsinu Miðgarði þriðjudagskvöldið 15. desember kl. 20.30. Þar spila með kórnum:
Gunnar Þorgeirsson óbó, Kristín Halla Bergsdóttir fiðla, Sif Björnsdóttir selló og Rögnvaldur Valbergsson píanó og orgel. Einsöngvari er Margrét S. Stefánsdóttir og stjórnandi er Stefán R. Gíslason. Kynnir er séra Gísli Gunnarsson. Gestir kvöldsins í Miðgarði verða sr. Hjálmar Jónsson dómkirkjuprestur og Eyþór Árnason frá Uppsölum og munu þeir lesa upp úr bókum sínum Hjartsláttur og Hundgá úr annari sveit. Kaffiveitingar verða í hléinu. Aðgangseyrir er kr. 1000 Samkomurnar eru styrktar af Menningarsjóði Norðurlands vestra.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.