Töfrakonur í Húnavatnshreppi
Fyrirtækið “Töfrakonur/Wagic Women ehf” er nýtt fyrirtæki í Húnavatnshreppi.Eigendur fyrirtækisins eru Birgitta Hrönn Halldórsdóttir, Jóhanna Helga Halldórsdóttir og Þuríður Guðmundsdótti en fyrirtækið er stofnað vegna framleiðslu og sölu á ýmsum vörum sem tengdar eru ferðaþjónustu og menningu.
Hugmyndin er að framleiða margvíslegar vörur, s.s. gjafavörur ýmiss konar, sem þá eru að stærstum hluta hugsaðar fyrir ferðamenn. Einnig verður fyrirtækið með korta, kilju og bókaútgáfu, framleiðslu á skartgripum, fatnaði og svo á vöru unnum úr jurtum. Ýmsar hugmyndir hafa komið upp og framtíðarsýnin er sú að með tíð og tíma eignist fyrirtækið eigin verslun og muni hafa fleiri í vinnu en eigendur.
Nokkrar vörur sem fyrirtækið mun verða með eru þegar tilbúnar til afgreiðslu. Má þar nefna “Óskasteininn” og “Draumasteininn” sem eru skrautsteinar til gjafa undir flokknum “Töfrasteinar”. Þeir eru í poka úr íslensku fánalitunum og með fylgir mantra á íslensku og ensku. Steinarnir eru í fallegum gjafakössum. Fleiri steinar eru væntanlegir með öðrum nöfnum og möntrum (kærleikssteinn, vonarsteinn, trúarsteinn, heilunarsteinn og framtíðarsteinn).
Fyrirtækið fékk nafnið “Hveravallagull” fyrir skartgripalínu sem verið er að hanna og framleiða fyrir “Töfrakonur / Magic Women ehf.” Fyrstu skartgripirnir undir þessu nafni eru gerðir úr silfri og ferskvatnsperlum( eyrnalokkar, armbönd, og hálsmen), en í framtíðinni er hugmyndin að hafa fleiri skartgripalínur undir nafninu “Hveravallagull”.
Tilbúnar til sölu eru “Runes of Magic”, sem eru gjafakassar með spárúnum sem hannaðar voru og framleiddar fyrir “Töfrakonur / Magic Women ehf.” Um er að ræða gjafakassa með rúnapoka úr leðri sem inniheldur 24 rúnir. Með fylgja leiðbeiningar á ensku og íslensku.
Í prentun eru spil með lógói fyrirtækisins og spil með íslensku jurtunum sem munu fljótlega koma á markað. Einnig er fyrirtækið að leita tilboða í prentun á fjórum kiljum sem eru tilbúnar til útgáfu. Þetta eru þrjár sveita/ástar/afþreyingarsögur sem heita ”Þar sem hjartað slær” og ”Út við svala sjávarströnd” eftir Birgittu Hrönn, og ”Enginn er eins og þú” eftir Jóhönnu Helgu; svo og eitt ljóðabókarhandrit með ljóðum eftir Jóhönnu Helgu, sem hefur fengið nafnið ”Konfektmolar”.
Væntanleg eru spáspil sem nefnast “Töfraspilin” og er verið að vinna að hönnun þeirra fyrir fyrirtækið. Þetta allt, ásamt fleiri hugmyndum er hugsað sem sumarsala fyrir sumarið 2010. Ekki er ljóst hversu hratt framleiðslan mun ganga, enda eru margir þættir sem spila þar inn í. Markmiðið er að eigendur hafi atvinnu af vinnu við fyrirtækið, - og síðan fleiri í framtíðinni. Á áætlun fyrirtækisins er að gefa út ýmsan fróðleik og skemmtisögur úr Húnaþingi, ásamt vörum sem verða eyrnamerktar stöðum og atburðum á Norðurlandi vestra.
Fyrirtækið “Töfrakonur / Magic Women ehf” er að stíga sín fyrstu skref. Að mörgu er að huga og hafa eigendur fullan hug á að gera góða og vandaða vöru. Það er von eigenda að með góðum stuðningi og jákvæðri vinnu takist að gera þetta fyrirtæki eitt af framtíðartækifærunum á Norðurlandi vestra.
Heimilisfesta fyrirtækisins er að Syðri-Löngumýri í Húnavatnshreppi. Skoðunarmaður er Ingibjörg Kristinsdóttir á Skagaströnd.
Fleiri fréttir
-
Fiskisúpa og mömmu konfektkaka | Matgæðingur Feykis
feykir.is Skagafjörður, Í matinn er þetta helst, Lokað efni 22.03.2025 kl. 11.22Matgæðingur vikunnar í tbl. 47, 2024, var Fanney Ísfold Karlsdóttir en hún starfar sem sjúkraþjálfari á HSN á Króknum og hefur gert í töluvert mörg ár. Áhugi hennar á hreyfingu og hollu mataræði hefur fylgt henni lengi og er eitt af áhugamálum fjölskyldunnar að elda og borða góðan og hollan mat, helst að “elda frá grunni”, prófa nýjar uppskriftir og þróa eigin.Meira -
Framkvæmdir við höfnina ganga ágætlega
feykir.is Austur-Húnavatnssýsla, Lokað efni 22.03.2025 kl. 08.00„Framkvæmdir við Ásgarð ganga vel, Borgarverk er langt komið með sinn verkhluta. Þeir hafa verið með 4-5 starfsmenn á Skagaströnd og stórvirkar vinnuvélar og bíla eftir þörfum síðan þeir byrjuðu fyrir alvöru í september. Þeir luku við að reka niður stálþilið, rétta það af, fylla og þjappa efni í garðinn 6. mars sl.," segir Baldur Magnússon hafnarstjóri á Skagaströnd þegar Feykir forvitnaðist um hvernig framkvæmdir gengju fyrir sig.Meira -
Áfram slátrað í sláturhúsinu á Hvammstanga
feykir.is Vestur-Húnavatnssýsla, Lokað efni 21.03.2025 kl. 14.15Bændablaðið sagði frá því í dag á fréttavefnum sínum að slátrun hjá Sláturhúsi Kaupfélags Vestur-Húnvetninga (SKVH) á Hvammstanga verður með svipuðu sniði á þessu ári og verið hefur. Ákvörðun um að hætt yrði að slátra á Hvammstanga hafði aldrei formlega verið tekin en áform voru uppi um að slátruninni yrði hætt þar, sem liður í hagræðingu vegna kaupa Kaupfélags Skagfirðinga (KS) á Kjarnafæði Norðlenska.Meira -
Opið fyrir skráningar á skákmótið á Blönduósi sem fer fram dagana 15.-21. júní
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.03.2025 kl. 13.50Skáksamband Íslands ætlar að bregða á leik í sumar í tilefni af 100 ára afmæli sínu segir á fréttavefnum huni.is. En haldið verður Icelandic Open - Opna Íslandsmótið í skák á Blönduósi dagana 15.-21. júní. Tefldar verða níu umferðir á sjö dögum í Krúttinu í gamla bænum. Skákhátíðin hefst með aðalfundi sambandsins sem fram fer laugardaginn 14. júní og lýkur með sterku hraðskákmóti, Blönduós Blitz, sem fram fer 22. júní. Búið er að opna fyrir skráningu í mótið. Góð verðlaun verða á mótinu og verða þau gerð opinber í vikunni. Alls konar skemmtilegir hliðarviðburðir fara fram mótinu samhliða en þeir verða auglýstir síðar.Meira -
Er í lagi með brunavarnirnar á þínu heimili?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.03.2025 kl. 13.34Í upphafi árs framkvæmdi HMS árlega skoðanakönnun um brunavarnir heimilanna. Í niðurstöðum könnunarinnar kemur fram að reykskynjarar eru á 96 prósent heimila landsins, helmingur þeirra landsmanna sem eru með slökkvitæki á heimilum sínum yfirfara tækin ekki og 45 prósent íbúða á leigumarkaði eru ekki með eldvarnarteppi. Niðurstöður könnunarinnar sýna að ástand brunavarna á heimilum er almennt gott. Einn eða fleiri reykskynjarar eru á 96 prósent heimila, 80 prósent heimila eru með slökkvitæki og 66 prósent með eldvarnarteppi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.