Tindastólssigur í Kópavogi
Strákarnir í Tindastól voru ekki nema augnablik að sækja þrjú stig á móti slöku liði Augnabliks í Kópavogi í gær og má segja að strákarnir hafi bara drifið í þessu þar sem þeir settu fjögur mörk strax í fyrri hálfleik. Leikurinn fór fjögur eitt.
Tindastólsliðið var mikið mun betra í leiknum og úrslitin segja ekki allt um gang hans. Lið Tindastóls var gott í fyrri hálfleik og skoraði öll mörkin fjögur þá, þau hefðu hinsvegar getað orðið 7 eða 8, bara í þeim fyrri.
Liðið átti mjög góða spretti og það var alveg klárt að leikmenn Tindastóls voru mættir í Kópavoginn til að innbyrða öll stigin sem í boði voru. Markaskorarar okkar í þessum leik voru Aðalsteinn, Arnar, Kristmar og Bjarki Már. Það var hinsvegar á lokamínútum leiksins að heimamenn náðu að skora eitt mark.
Eins og fram hefur komið var fyrri hálfleikur liðsins mjög góður og töluverður styrkleikamunur á liðunum. Í seinni hálfleik náði Tindastólsliðið ekki þeirri stemmingu sem einkenndi þann fyrri enda erfitt að koma út í seinni hálfleikinn með 4 - 0 og eiga að halda áfram sömu einbeitingu og sama krafti.
Seinni hálfleikurinn varð því afskaplega leiðinlegur á að horfa og örugglega líka fyrir leikmenn að spila.
Tindastólsstrákar eru efstir í deildinni en með 15 stig. Næst kemur lið KB með 9 stig en þetta segir þó ekki alla söguna þar sem lið KB á tvo leiki til góða á okkar menn.
Fleiri fréttir
-
Skagfirðingabók 44 komin út
feykir.is Skagafjörður, Listir og menning, Lokað efni 08.04.2025 kl. 13.19Skagfirðingabók, rit Sögufélags Skagfirðinga, er komið út enn einu sinni. Nú er það 44. bindið sem berst félögum Sögufélagsins en bókin hefur komið út frá árinu 1966 og flutt lesendum sögulegan fróðleik úr Skagafirði. Á kápu segir að nú hafi verið birtar um það bil 460 greinar eftir rúmlega 200 höfunda á meira en 8.600 blaðsíðum í bókunum 44. Að venju er bókin fjölbreytt að efni en Feykir spurði Hjalta Pálsson út í nýjustu bókina.Meira -
Viggó Jónsson hlaut Starfsbikar UMFT
feykir.is Skagafjörður, Íþróttir, Mannlíf, Lokað efni 08.04.2025 kl. 11.03Aðalfundur Aðalstjórnar Ungmennafélagsins Tindastóls fór fram mánudaginn 31. mars í Húsi Frítímans á Sauðárkróki. Þar fór fram hefðbundin dagskrá aðalfundar samkvæmt lögum félagsins. Á fundinum var veitt sérstök viðurkenning og Starfsbikarinn fyrir óeigingjarnt og öflugt sjálfboðaliðastarf. Féll sá heiður í hlut Viggós Jónssonar.Meira -
Kiwanismenn í nýju húsnæði
feykir.is Skagafjörður, Lokað efni 08.04.2025 kl. 09.40Nýtt húsnæði undir starfsemi Kiwanisklúbbsins Drangey í Skagafirði var tekið í notkun á dögunum en þeir félagar festu kaup á neðri hæð að Aðalgötu 14, þar sem Blómabúðin var. Félagið hefur verið húsnæðislaust í talsverðan tíma og er því stórum áfanga náð með þessum kaupum. Félagarnir í klúbbnum eru núna 22 og hafa þeir unnið hörðum höndum sl. vikur við að standsetja og gera fínt innandyra ásamt því að merkja húsið að utan. Allt þetta náðist fyrir 800 fundinn sem haldinn var þann 26. mars sl. en félagið var stofnað árið 1978.Meira -
Ríkisstjórnin samþykkir stuðning til bænda vegna kuldatíðar síðasta sumar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 09.12Ríkisstjórnin hefur samþykkt tillögu Hönnu Katrínar Friðriksson atvinnuvegaráðherra um að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Í frétt á Húnahorninu segir að síðasta sumar hafi verið óvenju kalt eða það kaldasta á landsvísu síðan árið 1998 samkvæmt Veðurstofunni.Meira -
Stólastúlkur mæta Keflavík í Keflavík í kvöld
feykir.is Skagafjörður, Íþróttir, Lokað efni 08.04.2025 kl. 08.45Það er hamagangur í öskjunni í körfuboltanum þessar vikurnar. Kvennalið Tindastóls mætir liði Keflavíkur suður með sjó í kvöld í þriðja leik liðanna í átta liða úrslitum Bónus deildar kvenna. Íslandsmeistarar Keflavíkur hafa verið ógnarsterkir í fyrstu tveimur leikjum liðanna og ljóst að Stólastúlkur þurfa að eiga toppleik í 40 mínútur ætli þær sér sigur í kvöld.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.